उल्हासनगर : चोरीच्या घटनांमध्ये महिलांचे प्रमाण देखील मोठ्या प्रमाणात वाढत आहे. हातचलाखी करून दुकानातून (Theft) चोरी करण्याच्या घटना मागील काही दिवसात वाढल्या आहेत. याच प्रमाणे उल्हासनगरमध्ये (Ulhasnagar) कपड्याच्या दुकानात खरेदीसाठी गेलेल्या महिलांनी कपडे चोरी केल्याची घटना उघडकीस आली आहे. (Tajya Batmya)
उल्हासनगर कॅम्प क्रमांक चार येथील मेन बाजारमध्ये असलेल्या द लेबल नावाच्या दुकानात तीन महिला कपडे खरेदीच्या बहाण्याने आल्या. या दरम्यान त्यांनी दुकानातील कामगारांकडून कपडे पसंतीसाठी मागविले. त्यांनी कपडे पहिले. याच दरम्यान कर्मचाऱ्यांची नजर चुकवून तिघा महिलांनी दुकानातून १२ हजार रुपयांचा माल (Crime News) चोरून नेला. दरम्यान कपडे गायब झाल्याचे लक्षात आल्यानंतर दुकानधारकाने सीसीटीव्ही (CCTV) तपासले असता हा धक्कादायक प्रकार समोर आला.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
त्या महिलांचा शोध सुरु
ही संपूर्ण घटना दुकानात लावलेल्या सीसीटीव्ही कॅमेऱ्यात कैद झाली आहे. कपडे चोरीची घटना उघडकीस आल्यानंतर याप्रकरणी तक्रार दाखल करण्यात आली आहे. विठ्ठलवाडी पोलिस सीसीटीव्ही च्या आधारे चोरट्यांचा शोध घेत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.