Ulhasnagar News : कार चालकाने दुचाकीला धडक देत दुचाकीस्वराच्या अंगावर गाडी नेण्याचा प्रयत्न; कट मारल्याचा जाब विचारल्याचा राग

उल्हासनगर : गाडीत पेट्रोल टाकण्यासाठी जाणाऱ्या दुचाकीला कारचा कट लागला. यामुळे दुचाकीस्वाराने याबाबत कार चालकाला विचारणा केल्याचा राग आल्याने कार चालकाने दुचाकीला धडक दिली. इतकेच नाही तर दुचाकीवरून खाली पडलेल्या तरुणाच्या अंगावर गाडी नेण्याचा प्रयत्न केला. हा संपूर्ण प्रकार सीसीटीव्ही कॅमेरात कैद झाली आहे.  

कल्याण पूर्वेतील विशालनगरी परिसरात राहणारा तरुण रोहन शिंदे हा आपल्या मित्रासोबत दुचाकीमध्ये पेट्रोल टाकण्यासाठी (Ulhasnagar News) उल्हासनगरमधील हिरा घाट पेट्रोल पंपच्या दिशेने जात होता. दरम्यान रस्त्यावर एका चार चाकी कारने रोहनच्या दुचाकीला कट मारला. रोहनने गाडी पुढे घेत चार चालकाला हळू चालवण्यास सांगून पुढे निघून गेले. मात्र हिरा घाट परिसरात कार चालक त्यांच्या पाठीमागे आला. त्याने रोहनच्या बाईकला धडक दिली. यामुळे रोहन खाली पडला. इतकेच नव्हे कार चालकाने रोहनच्या अंगावर कार घालण्याचा प्रयत्न केला. दोनदा कार चालकाने कार चालविली. 

तक्रार देऊनही गुन्हा दाखल नाही 

या दरम्यान रोहन पेट्रोल पंप कार्यालयात पळत गेल्याने तो बचावला. या प्रकरणी रोहन आणि त्याचे नातेवाईक तक्रार देण्यासाठी (Ulhasnagar Police) उल्हासनगर येथील सेंट्रल पोलीस स्टेशनला गेले. मात्र पोलिसांनी सीसीटीव्ही असून देखील गुन्हा दाखल केला नाही. अद्याप सेंट्रल पोलीस ठाण्यात गुन्हा दाखल करण्यात आलेला नाही.