औरंगाबाद : सध्या महाविकास आघाडी सरकारमधील शिवसेना, राष्ट्रवादी आणि काँग्रेस या तिन्ही पक्षांमध्ये धुसफूस सुरु असल्याच्या चर्चांना उधाण आलं आहे. एकीकडे सध्याचे गृहमंत्री कठोर कारवाई करत नसल्याने त्यांच्यावरती शिवसेना आणि काँग्रेस (Shivsena And Congress) नेत्यांची नाराजी असल्याच्या चर्चा कालच्या मंत्रीमंडळ बैठकीपासून सुरु आहेत.
याच पार्श्वभूमिवर आज राज्याचे गृहमंत्री दिलीप वळसे पाटील (Home Minister Dilip Walse Patil) यांनी मुख्यमंत्री उद्धव ठाकरे (Uddhav Thackeray) यांची भेट घेतली या भेटीनंतर गृहमंत्री उत्तम काम करत असल्याचं म्हटलं आहे. मुख्यमंत्र्यांनी दिलीप वळसे पाटील यांची पाठराखण केल्याने अनेक तर्कवितर्क लढवले जात आहेत मात्र, गृहखात्यावरून सुरू असलेल्या धुसफूशीवर मुख्यमंत्र्यांनी खुलासा केला आहे ते म्हणाले, माध्यमांवरती येत असलेल्या बातम्या चुकीच्या आणि विपर्यास्त करणाऱ्या असून माझा माझ्या सहकाऱ्यांवर पूर्ण विश्वास आहे, आणि ते उत्तम काम करीत आहेत, असे मुख्यमंत्री उद्धव ठाकरे यांनी स्पष्ट केले आहे.
मात्र सेनेचे वरिष्ठनेते आणि माजी खासदार चंद्रकांत खैरे (Chandrakant Khaire) यांनी मुख्यमंत्री उद्धव ठाकरे यांनी मुख्यमंत्रीपदासोबतच गृहमंत्रीपद देखील घ्यावे, त्यामुळे महाराष्ट्राला चांगली दिशा मिळेल मिळेल, अशी मागणी शिवसेनेचे केल्याने आता आणखी राजकीय चर्चांना उधाण आलं आहे.
तर दुसरीकडे सार्वजनिक कार्यक्रमात तलवार काढली म्हणून गुन्हे दाखल करणे योग्य नसल्यातचं म्हणत मंत्री विजय वडेट्टीवार (Vijay Vadettiwar) यांनी देखील गृहमंत्र्यावर नाराजी व्यक्त केली आहे.
Edited By - Jagdish Patil
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
