Uddhav Thackeray Faction : शासकीय कर्मचा-यांवर ठाकरे गटाच्या शिवसैनिकाचा त्रागा, कार्यालयातच तिघांना लगावल्या कानशिलात

Sangli News : बोगस लोकांच्या हातात शासकीय कागदपत्रे दिल्याने सांगली जिल्ह्यातील तासगाव येथे उद्धव ठाकरे गटाच्या (uddhav thackeray faction) शिवसेना तालुका प्रमुखाने भूमी अभिलेख कर्मचाऱ्यांच्या कानशिलात लगावल्याची घटना घडली. या घटनेचा व्हिडिओ समाज माध्यमातून व्हायरल हाेत आहे. (Maharashtra News)

तासगाव येथील भूमी अभिलेख कार्यालयात अनेक बोगस लोक काम करतात. ही लोकं सरकारी कागदपत्रे हाताळतात. सामान्य लोकांना लुबाडतात. याच मुद्द्यावरून आक्रमक झालेले शिवसेनेच्या उद्धव ठाकरे गटाचे तालुका प्रमुखाने भूमी अभिलेख कार्यालयातील मुख्यालय सहाय्यक चंद्रकांत शिरढोणे यांच्या कानशिलात लगावली.

सरकारी कागदपत्रे बोगस लोकांच्या हातात दिल्याने बाळू लोखंडे या बोगस व्यक्तीलाही माने यांनी थोबाडीत लगावली. सोशल मीडियावर हा व्हिडिओ व्हायरल झाला. तासगाव पोलीस ठाण्यात रात्री उशिरापर्यंत तरी याबाबतची कोणतीही नोंद झाली नव्हती.

Edited By : Siddharth Latkar