Uddhav Thackeray News : खासदार श्रीकांत शिंदेविरोधात ठाकरे गट सज्ज, उद्धव ठाकरेंनी पदाधिकाऱ्यांना सांगितलं प्लानिंग

अभिजीत देशमुख

Kalyan News : आगामी लोकसभा निवडणुकीसाठी सर्वच पक्षांनी कंबर कसली आहे. शिवसेनेत फूट पडल्यानंतर ठाकरे गट देखील निवडणुकांसाठी तयार आहे. राज्याचे मुख्यमंत्री एकनाथ शिंदे यांची सुपुत्र श्रीकांत शिंदे यांना लोकसभा निवडणुकीत घेरण्याची तयारी ठाकरे गटाने केली आहे.

खासदार श्रीकांत शिंदे यांचा मतदारसंघ ताब्यात घेण्यासाठी ठाकरे गट तयारीला लागला आहे. श्रीकांत शिंदे यांच्या विरोधात ठाकरे गटाची मोर्चेबांधणी सुरू झाली आहे. श्रीकांत शिंदेंच्या विरोधात प्रबळ उमेदवार देणार असल्याचं ठाकरे गटाने ठरवलं आहे.

या पार्श्वभूमीवर उद्धव ठाकरे यांनी बोरिवली मागाठाणे, कल्याण-डोंबिवली लोकसभा मतदारसंघातील पदाधिकाऱ्यांची बैठक बोलावली. कल्याण-डोंबिवलीची जागा आपल्याला जिंकायची आहे.उद्धव ठाकरे यांनी पदाधिकाऱ्यांसमोर निर्धारच केला. (Political News)

उद्धव ठाकरे काय म्हणाले?

विधानसभा संपर्कप्रमुख यांनी कामाला लागावं. बूथ प्रमुख आहेत त्यांना सक्रिय करा, त्यांच्याकडून कामं करून घ्या. मतदारसंघात फिरत राहा अशा सूचना उद्धव ठाकरे यांनी पदाधिकाऱ्यांना दिल्या आहेत. (Latest Marathi News)

मतदार यादीत ज्यांची नावे वगळली आहेत, त्यांच्याशी संपर्क साधून अडचणी जाणून घ्या. ज्यांच्या कागदपत्रांची अडचण आहे, त्यांच्याशी संपर्क करून अडचणी सोडवा. केव्हाही निवडणुका लागू शकतात आपण तयार असायला हवे, असंही उद्धव ठाकरेंनी सांगितलं.