धक्कादायक! परभणीत भीषण अपघात, कार-दुचाकीच्या धडकेत दोन शिक्षकांचा मृत्यू

परभणी : येथील नवा मोंढा पोलीस ठाण्याच्या हद्दीत भीषण अपघात झाला. दुचाकी आणि कारच्या छडकेत (two teacher died) दोन शिक्षकांचा मृत्यू झाला आहे. या घटनेमुळं संपूर्ण परिसरात शोककळा पसरली आहे. अपघात (Parbhani Accident) इतका भीषण होता की, दुचाकीचा चक्काचूर झाला आहे. ज्ञानेश्वर लोंढे आणि दिगंबर गुट्टे अशी मृतांची नावं आहेत. हा दुचाकी आणि कारचा अपघात गुरुवारी सायंकाळी घडला. या दुर्देवी घटनेमुळं परिसरात हळहळ व्यक्त होत आहे.

मिळालेल्या माहितीनुसार, परभणी येथील नवा मोंढा पोलीस ठाण्याच्या हद्दीत दुचाकी व कारच्या धडकेत दोन शिक्षकांचा मृत्यू झाला. हा अपघात इतका भीषण होता की, कारच्या धडकेत दुचाकीचा चक्काचूर झाला. दुचाकीस्वार दोघेही पेशाने शिक्षक होते. ते दोघेही दुचाकीवरुन राजगोपालाचारी उद्यानाकडून जात होते. तेव्हा एक कार नवा मोंढा पोलीस स्टेशनच्या दिशेनं येत होती़. त्यावेळी भरधाव वेगाने येणाऱ्या कारने दुचाकीला धडक दिली. त्यानंतर दोघांचा दुर्देवी मृत्यू झाला.

Edited By - Naresh Shende