Dhule Solapur Highway Accident News : धुळे- सोलापूर राष्ट्रीय महामार्गावर दाेन अपघात, एनएचएआयचे कर्मचारी धावले जखमींच्या मदतीस

Beed News : बीड जिल्ह्यातून जाणाऱ्या धुळे- सोलापूर राष्ट्रीय महामार्गावर (dhule solapur highway) विविध ठिकाणी झालेल्या दोन अपघातात दाेन जण जखमी झाले आहेत. या दाेन्ही जखमींना उपचारार्थ रुग्णालयात नेण्यात आले आहे. या दाेन्ही अपघातांची चाैकशी पाेलिस करीत आहेत. (Maharashtra News)

गुजरातहून हैदराबादच्या दिशेने लोखंडे सळाया घेऊन जाणाऱ्या ट्रकला ड्रायव्हरला डुलकी लागल्याने गेवराई जवळ अपघात झाला. त्यामुळे ट्रक महामार्गावरचं पलटी झाला. दुसरीकडे बीड आणि धाराशिवच्या सीमेवर मालवाहतूक करणारा पिकप पलटी (accident) झाला.

यामध्ये दोन्ही अपघातात 2 जण जखमी झाल्याची माहिती आहे. दरम्यान घटनेची माहिती कळताच नॅशनल हायवेची अपघातग्रस्तांना मदत करणारी टीम घटनास्थळी दाखल झाली. यावेळी टीममधील हितेश नाटकर, प्रतीक कदम, बाळासाहेब काटे, सुनील कवडे यांनी जखमींना रुग्णालयात दाखल केले. दोन्ही अपघातग्रस्त वाहनांना महामार्गाच्या बाजूला करत वाहतूक सुरळीत केली.

Edited By : Siddharth Latkar