Beed Accident News : ऊसाचा ट्रॅक्टर आणि ट्रकचा भीषण अपघात, चालक जागीच ठार

Beed :

बीड जिल्ह्यातील माजलगाव तेलगाव महामार्गावरील (majalgaon telgaon highway) टालेवाडी फाट्यावर ट्रॅक्टर आणि ट्रकचा भीषण अपघात (accident) झाला. या भीषण अपघतात दाेन्ही वाहनांचे माेठे नुकसान झाले. पाेलिसांनी दिलेल्या माहितीनूसार या अपघातात एकाचा जागेवर मृत्यू झाला आहे. (Maharashtra News)

पाेलिसांकडून मिळालेल्या माहितीनूसार ही दुर्दैवी घटना मध्यरात्री घडली आहे. तेलगावकडे जाणाऱ्या उसाच्या ट्रॅक्टरला जालन्याकडे जाणाऱ्या भंगार साहित्य भरलेल्या ट्रकने चुकीच्या दिशेने येत समोरासमोर भीषण धडक दिली.

या अपघातात ट्रक चालक सय्यद इरफाश अहमद (वय 40, राहणार जुना जालना) याचा जागीच मृत्यू झाला. अपघातस्थळी दिंद्रुड पोलिस दाखल झाले. पोलिसांना क्रेनच्या साह्याने ट्रक व ट्रॅक्टर वेगळे केले. त्यानंतर तब्बल तीन तासांनी मृतदेह बाहेर काढण्यात पाेलिसांना यश आले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar