Buldhana Accident News : राहेरीनजीक पुलाचा कठडा तोडून ट्रक कोसळला, चालक ठार

Buldhana News :

नागपूर- पुणे राष्ट्रीय महामार्गावरील राहेरी गावानजीक झालेल्या अपघातात एका ट्रक चालकाचा मृत्यू झाला आहे. मकर संक्रातीच्या (makar sankranti 2024) दिवशी हा अपघात झाल्याने परिसरात एकच हळहळ व्यक्त हाेत हाेती. (Maharashtra News)

या अपघाताबाबतची प्राथमिक माहिती अशी - जालना कडून मेहकरकडे रिकाम्या काचेचे तुकडे घेऊन ट्रक जात होता. राहेरी जवळ काही अंतरावर एका लहान पुलाचा कठडा तोडून खाली कोसळला.

या घटनेत लोखंडी कठड्याचा तुकडा ड्रायव्हरच्या पोटात घुसला. त्यात ड्रायव्हरचा जागेवरच मृत्यू झाला. हरी ओम शर्मा असे मृत ड्रायव्हरचे नाव असून तो मध्य प्रदेश मधील लटेरी येथील असल्याची माहिती प्राप्त झाली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar