Freight Train Derails : सांगलीत रेल्वे दुर्घटना! मालवाहतूक बोगी दुसऱ्यांदा रुळावरून घसरली, मुंबई-पुण्याकडे जाणारी वाहतूक ठप्प

सांगली : सांगलीत मोठी रेल्वे दुर्घटना घडली आहे. सांगलीच्या मिरजेत मालवाहतूक बोगी रुळावरून घसरल्याची घटना घडली आहे. मिरजमध्ये दुसऱ्यांदा बोगी रुळावरून घसरल्याची घटना घडली आहे. यामुळे मिरज,पुणे,मुंबईकडे जाणारी रेल्वे वाहतूक दोन तासांपासून ठप्प झाली होती. मालवाहतूक बोगी रुळावरून घसरल्यानंतर लोकांची एकच गर्दी झाल्याचं पाहायला मिळाली.

अन् भोंगा वाजला

मिळालेल्या माहितीनुसार, सांगलीतील मिरज रेल्वे स्टेशन गुड शेडजवळ मालवाहतूक करणारी बोगी आज शुक्रवारी रुळावरून घसरल्याची घटना घडली आहे. आज शुक्रवारी दुपारी सुमारास घटना घडल्यानंतर रेल्वे अलर्ट करणारा भोंगा वाजला. त्यानंतर रेल्वे प्रशासन आणि लोहमार्ग पोलिसांनी गुज शेड रेल्वे मार्गावर धाव घेतली

हुबळीकडून पुण्याकडून मालवाहतूक रेल्वे जात असताना एका बोगीची चाके रुळावरून घसरली. या घटनेमुळे मिरज-पुणे-मुंबईकडून येणाऱ्या आणि जाणाऱ्या रेल्वे गाड्या सुमारे दोन तास ठप्प झाल्या होत्या. रेल्वे वाहतूक पूर्ववत सुरु करण्यात आली आहे. काल रात्री देखील एका बोगीची चाके रुळावरून घसरल्याची घटना घडली होती.