Alibaug: खेळता-खेळता स्विमिंग पूलजवळ गेली अन् पाण्यात पडली; २ वर्षीय चिमुकलीचा दुर्देवी मृत्यू

आता एक धक्कादायक बातमी अलिबागमधून समोर येत आहे. फार्महाऊसच्या स्विमिंग पूलमध्ये पडून दोन वर्षीय चिमुकलीचा दुर्देवी मृत्यू झाला आहे. ही चिमुकली फार्महाऊसवरील एका केअरटेकरची मुलगी होती. चिमुकली पाण्यात पडल्यानंतर तिला स्थानिकांच्या मदतीने बाहेर काढण्यात आले. तसेच तिला तातडीने जिल्हा रूग्णालयात नेण्यात आले. मात्र, तोपर्यंत उशीर झाला. डॉक्टरांनी चिमुकलीला मृत घोषित केले. या घटनेमुळे परिसरात शोककळा पसरली आहे.

अतिक्षा सुरेंद्रकुमार दास असे चिमुकलीचे नाव आहे. दैनंदिनप्रमाणे ती फार्महाऊसच्या आवारात खेळत होती. पालकांचे लक्ष नसताना ती स्विमिंग पूलच्या दिशेनं गेली. मात्र, फरशीवरील ओलाव्यामुळे तिचा पाय घसरला आणि ती थेट स्विमिंग पुलच्या पाण्यात पडली. काही वेळानंतर मुलगी दिसेनाशी झाल्यामुळे त्यांनी शोधाशोध केली. संपूर्ण फार्महाऊसमध्ये मुलीला शोधले. मात्र, ती काही सापडली नाही.

पालकांनी शेवटी स्विमिंग पूल जवळ जाऊन पाहिले तर, चिमुकली स्विमिंग पूलमध्ये बुडालेली आढळून आली. स्थानिकांच्या मदतीने चिमुकलीचा मृतदेह स्विमिंग पूलच्या पाण्यातून बाहेर काढला. तसेच तातडीने तिला जिल्हा रूग्णालयात नेण्यात आले. मात्र, तोपर्यंत उशीर झाला. डॉक्टरांनी चिमुकलीला मृत घोषित केले. या घटनेमुळे परिसरात शोककळा पसरली आहे.