Mumbai Agra Highway : मुंबई- आग्रा महामार्गावरची वाहतूक तासाभरापासून ठप्प; क्रेन पडली रस्त्याच्या मधोमध

- अजय साेनवणे

Mumbai Agra Highway : मुंबई-आग्रा महामार्गावर (mumbai agra national highway) गेल्या तासभरापासून वाहतुक ठप्प झाली आहे. दुपारच्या सुमारास वाहतुक ठप्प झाल्याने प्रवाशांना त्यांची वाहन उन्हापासून सरंक्षण मिळण्यासाठी रस्त्याच्याकडेला झाडं पाहून लावत आहेत. (Breaking Marathi News)

आज पहाटेच्या सुमारास नाशिकच्या (nashik) चांदवड (chandwad) जवळील राहुड घाटात (rahud ghat) कांद्याच्या (onion) गोण्या घेऊन जाणारा ट्रक मुंबई-आग्रा महामार्गावर पलटी झाला. त्यामुळे मुंबई-आग्रा महामार्गावर सर्वत्र कांद्याच्या गोण्या पसरल्या होत्या. परिणामी या महामार्गावरील वाहतुक खाेळंबली हाेती.

या कांद्याची गाेण्या हटविल्यानंतर येथील वाहतुक सुरळीत झाली. त्यानंतर रस्त्यावरुन ट्रक बाजूला घेण्यासाठी क्रेन बाेलावली गेली. ही क्रेन दुपारच्या सुमारास आली. क्रेनच्या साह्याने ट्रक बाजूला घेण्याचे काम सुरु करण्यात आले हाेते.

दरम्यान ज्या क्रेनच्या साहयाने ट्रक बाजूला करण्यात येत हाेता. ती क्रेन तुटल्याने रस्त्याच्या मधाेमध पडली. त्यामुळे पुन्हा मुंबई-आग्रा महामार्ग ची वाहतूक ठप्प झाली. गेल्या तासभरापासून ही वाहतुक ठप्प झाली आहे.

Edited By : Siddharth Latkar