Satara Breaking News : पुणे-बंगळुरू महामार्गावरील सातारा पुणे मार्गावर खंबाटकी घाटाजवळ (khambatki ghat latest marathi news) आज (शुक्रवार) पुन्हा एकदा बोगद्यात कारवर खांबाचा अँगल पडल्याने अपघात झाला. या भागात पुन्हा दुर्घटना हाेऊ नये यासाठी आज (ता. १८) तातडीने खंबाटकी बोगदयाचे (khambatki tunnel) दुरुस्तीचे काम हाती घेण्यात आले आहे. यामुळे दाेन तास खंबाटकी बोगदा मार्गे जाणारी वाहतूक बंद करण्यात येणार असल्याचे प्रशासनाने कळविले आहे. (Maharashtra News)
पाेलिस दलाने दिलेल्या माहितीनूसार वेळे येथील खंबाटकी बोगदयाचे दुरुस्तीचे कामकाज आज (शुक्रवार) दुपारी अडीच ते साडे चार यावेळेत करण्यात येणार आहे. तरी सातारा बाजुकडून पुणे बाजुकडे खंबाटकी बोगदा मार्गे जाणारी वाहतूक बंद करण्यात येणार आहे.
हलक्या वाहनांकरिता पर्यायी मार्ग खंबाटकी घाट मार्गे आहे. जड वाहनांकरिता पुणे बाजूकडे जाणारी सर्व वाहतूक दाेन तासांसाठी पूर्णपणे बंद करण्यात येणार आहे. तरी नागरिकांनी सदर वेळेत पुणे बाजूकडे प्रवास टाळावा असे आवाहन करण्यात आले आहे.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.