Nandurbar News : ५० किलोमीटरचा फेरा आणखी दिवस मारायचा? वाहनधारकांचा नंदूरबार प्रशासनास सवाल

- सागर निकवडे

Nandurbar News : गेल्या १५ दिवसांपूर्वी अककलकुवा तालुक्यातील देवगोई घाटातील ईराई पाड्याजवळ दरड कोसळली. परिणामी मोलगी आणि धडगावकडे जाण्यासाठीचा घाट १५ दिवसांपासून आजही वाहतुकीस बंद आहे. यामुळे नागरिकांची संतप्त प्रतिक्रिया उमटू लागली आहे. (Maharashtra News)

नंदूरबार (nandurbar latest marathi news) जिल्हा प्रशासनाने कडून दरड बाजूला करण्यात आली नसल्याने वाहनांसाठी गेल्या पंधरा दिवसापासून घाट बंद झाला आहे. घाट बंद झाल्यामुळे या परिसरातील गाव पाड्यांवरील नागरिकांना आणि वाहनधारकांना ५० किलोमीटरचा फेरा मारून यावे जावे लागत असल्याने वाहनधारकांना मोठी कसरत करावी लागत आहे.

त्यामुळे बांधकाम विभागाने लवकर दरड बाजूला करून वाहनधारकांसाठी रस्ता सुरू करावा अशी मागणी आता प्रवासी आणि वाहनधारकांकडून करण्यात येत आहे. दरम्यान जिल्हा प्रशासनाने १५ दिवसांपासून काेणतीच हालचाल केली नसल्याने नागरिक (citizens) आता आक्रमक हाेऊ लागले आहेत.

Edited By : Siddharth Latkar