Maharashtra Politics : शिंदे गटाला मोठा झटका; पक्षातील बड्या महिला नेत्याने साथ सोडली

nashik Politics : एकनाथ शिंदे यांना मोठा झटका बसला आहे. नाशिकमधील बड्या महिला नेत्याने पक्षाची साथ सोडली आहे.
nashik News
Maharashtra Politics Saam tv
Published On

अभिजीत सोनवणे, साम टीव्ही

नाशिक : आगामी स्थानिक स्वराज्य संस्थेच्या निवडणुकीआधी नाशिकमध्ये शिंदे गटाला मोठा झटका बसला आहे. सहा टर्म नगरसेवक राहिलेल्या डॉ. हेमलता पाटील या दोन महिन्यातच शिंदे गटाची साथ सोडणार आहेत. त्यांनी दोन महिन्यापूर्वी काँग्रेसमधून शिंदे गटात प्रवेश केला होता. त्याच डॉ. हेमलता पाटील यांनी शिंदे गटाची साथ सोडली आहे.

काँग्रेसमधून शिंदे गटात गेलेल्या हेमलता पाटील यांनी पुन्हा पक्षातून बाहेर पडण्याचा निर्णय घेतला आहे. पक्षात राहून पक्षाला न्याय देऊ शकत नाही, असं म्हणत हेमलता पाटील यांनी माहिती दिली. हेमलता यांनी फेसबुकवर व्हिडिओ शेअर करत माहिती दिली. विधानसभा निवडणुकीनंतर काँग्रेसमधून शिवसेनेत हेमलता पाटील यांनी प्रवेश केला होता.

nashik News
Indira Meena: डॉ. बाबासाहेब आंबेडकर पुतळ्यावरून राजकारण; काँग्रेस आमदाराकडून भाजप नेत्याला मारहाण, कपडे फाडले, VIDEO

30 ते 35 वर्ष काँग्रेसमध्ये काम केल्यानंतर विधानसभा निवडणुकीत पक्षाने उमेदवारी नाकारल्याने हेमलता पाटील नाराज होत्या. याच नाराजीनंतर त्यांनी काँग्रेस सोडून शिवसेनेत जाण्याचा निर्णय घेतला होता. काँग्रेसची साथ सोडताना हेमलता पाटील यांना अश्रू अनावर झाले होते. सध्या कुठल्याही पक्षात प्रवेश न करता सामाजिक संघटनेच्या माध्यमातून काम करत राहणार असल्याची माहिती हेमलता पाटील यांनी दिली.

nashik News
Beed Crime : कोयता पाठीमागे लपवून आणला, भाजप कार्यालयासमोरच आडवा पाडून कोयत्याने भोसकलं, बीडमध्ये रक्तरंजित थरार
nashik News
Waqf Act : वक्फ कायद्याविरोधात मुर्शिदाबाद पेटलं; हिंसाचारात ३ जणांचा मृत्यू, परिसरात तणाव

कोल्हापुरात ठाकरे गटाला धक्का

कोल्हापुरात ठाकरे गटाला मोठा धक्का बसला. विधानसभा निवडणुकीत ठाकरे गटाचे माजी आमदार संजय बाबा घाटगे यांनी बंडखोरी करत महायुतीचे उमेदवार हसन मुश्रीफ यांना पाठिंबा दिला होता. त्यांच्या पाठिंब्यामुळे मुश्रीफांचा विजय सोपा झाला . त्याचेच फळ म्हणून जिल्हा बँकेत संजय बाबा घाटगे यांना संचालक मंडळात स्थान देण्यात आलं. आता त्यांनी थेट उद्धव ठाकरेंची साथ सोडत भाजपचे कमळ हाती घेतलं.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com