Parbhani News : दक्षिण मध्य रेल्वेच्या नांदेड विभागाने सेलू-ढेगळी पिंपळगाव मानवत रोडदरम्यान रेल्वे पटरीचे काम हाती घेतले आहे. या कामासाठी आज़ पाच तासांचा लाइन ब्लॉक घेण्यात येणार आहे. (Breaking Marathi News)
यामुळे काही रेल्वे उशिराने धावणार आहेत. याबाबतची माहिती दमरेच्या नांदेड जनसंपर्क कार्यालयाने प्रसिद्धी पत्रकाद्वारे दिली आहे. सेलू-ढेगळी पिंपळगाव-मानवत रोड मार्गादरम्यान रेल्वे पटरीचे काम करण्याकरिता आज़ पाच तासांचा ब्लॉक घेण्यात येणार आहे.
त्यामुळे चार रेल्वे उशिराने धावणार आहेत. यात मुंबई - नांदेड तपोवन एक्स्प्रेस 135 मिनिटे उशिरा धावणार आहे. तसेच नांदेड - पुणे एक्स्प्रेस 50 मिनिटे उशिरने धावेल, काचीगुडा रोटेगाव एक्स्प्रेस 190 मिनिटे उशिराने धावेल तसेच नगरसोल- नरसापूर एक्स्प्रेस 10 मिनिटे उशिरा धावणार आहे अशी माहिती रेल्वे विभागाने दिली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
