Indurikar Maharaj News: इंदुरीकर महाराजांना प्रसार माध्यम अन् सोशल मीडियाची धास्ती? कार्यक्रमात मोबाईलसह कॅमेरावर बंदी

संजय सूर्यवंशी

Nanded News: गौतमी पाटील हिच्यावर टीका केल्यानंतर इंदुरीकर महाराजांनी आता प्रसार माध्यमांची आणि सोशल मीडियाची धास्ती घेतलीय. नांदेड मध्ये झालेल्या एका कार्यक्रमात इंदूरिकर महाराजांनी कार्यक्रमात चित्रीकरण करणारे कॅमेरे आणि मोबाईलवर बंदी घातली.  (Latest Marathi News)

आपल्या वानितील शब्द कुठल्याही कॅमेरात किंवा मोबाईलमध्ये टिपल्या जाऊ नये यासाठी इंदूरिकर महाराजांनी (Indurikar Maharaj) कार्यक्रम सुरू होण्यापूर्वीच कॅमेरे आणि मोबाईलवर (Mobile) कार्यक्रमात बंदी घातली त्यानंतरच कार्यक्रमाला सुरुवात केली.

इंदुरिकर महाराज कीर्तन करताना आपल्या शैलीतून अनेकांचा समाचार घेतात. सध्या गौतमी पाटील हिने आपल्या कार्यक्रमाच्या माध्यमातून राज्यभरात धुडगूस घातला आहे. इंदूरिकर महाराजांनी देखील एका कार्यक्रमात गौतमी पाटील हीचा समाचार घेत टीका केली होती.

गौतमी पाटील हे एका गाण्यासाठी तीन लाख रुपय घेते असे वक्तव्य इंदूरिकर महाराज यांनी केले होते. त्यांच्या या वक्तव्याने नवीन वाद निर्माण झाला होता. महिला संघटनांनी या वक्तव्याचा निषेध करत इंदुरीकर महाराज महिला विरोधी असल्याची टीका त्यांच्यावर झाली होती.

या प्रकारानंतर इंदुरिकर महाराज यांनी सावध भूमिका घेतली आहे. आपल्या कीर्तनातून बाहेर काही जाऊ नये म्हणून नांदेड (Nanded) येथील कार्यक्रमात त्यांनी मोबाईल आणि चित्रीकरण करणारे कॅमेरे हटविले आणि त्यानंतरच कार्यक्रमाला सुरुवात करण्यात आलीय.