खोजनवाडीत घरफाेडी; सोन्याच्या दागिन्यांसह साडेपाच लाखांचा मुद्देमाल लंपास

सांगली : सांगली (sangli) जिल्ह्यातील जत तालुक्यातील (jat taluka) खोजनवाडी (khojanwadi) येथे जबरी चोरी झाली आहे. घर फोडून चोरट्यांनी सोन्याच्या दागिन्यांसह रोख रक्कम असा सुमारे साडेपाच लाखांचा मुद्देमाल लंपास केला आहे. याबाबत चिदानंद सिदाप्पा संती यांनी जत पोलिस ठाण्यात (jat police station) तक्रार नाेंदवली आहे. (sangli latest marathi news)

संती यांनी दिलेल्या तक्रारीनूसार शनिवारी त्यांचे यांचे कुटुंबीय रात्री जेवण करून झोपी गेले हाेते. पहाटे उठल्यानंतर त्यांना घरात चाेरी झाल्याचे लक्षात आले. अज्ञात चोरट्यांनी त्यांची घर फोडून कपाटातील साडेतीन तोळ्यांचे मंगळसूत्र, चार तोळ्यांचे गंठण, पाच ग्रॅमची अंगठी, नेकलेस, दोन तोळ्यांची कर्णफुले, एक तोळ्याचे सोन्याचे २० मणी व दोन लाख दहा हजार रुपये रोख रक्कम असा एकूण साडेपाच लाखांचा मुद्देमाल चोरून नेला आहे.

या चोरीची माहिती त्यांनी जत पोलिसांना (jat police) दिली. पाेलीसांनी (police) घटनास्थळाचा पंचनामा केला. जत पोलीस अधिक तपास करीत आहेत.

Edited By : Siddharth Latkar