नवी दिल्ली : पुणे-सातारा महामार्गावरील (nh4) खंबाटकी घाटातील (Khambatki Ghat) नवीन सहापदरी बोगद्याचे बांधकाम प्रगतीपथावर असून पुढील वर्षी मार्च महिन्यात हे काम पूर्ण होणार असल्याची माहिती केंद्रीय मंत्री नितीन गडकरी (Nitin Gadkari) यांनी नुकतीच दिली आहे. (khambatki ghat latest marahi news)
खंबाटकी घाटाच्या कामाच्या प्रगतीविषयी माहिती देणारा ट्विट (tweet) गडकरी यांनी नुकतेच केले आहे. पुणे-सातारा या राष्ट्रीय महामार्ग क्रमांक चारवर सध्या प्रत्येकी तीन मार्गिका असलेल्या दुहेरी बोगद्याचे काम सुरु आहे. इंग्रजीवर्णाक्षर 'एस' प्रमाणे असलेल्या वळणमार्गाचे कामही लवकरच पूर्ण होईल. यामुळे या रस्त्यावर होणाऱ्या अपघातांमध्ये मोठी घट होईल असेही गडकरी यांनी नमूद केले.
गडकरी पुढं लिहितात पुणे-सातारा आणि सातारा-पुणे कडील प्रवासाठी या बोगद्यातून लागणारा प्रत्येकी ४५ मिनीटे आणि १० ते १५ मिनिटांच्या वेळेची बचत हाेईल. केवळ ५ ते १० मिनिटात या बोगद्यातून प्रवास करता येईल. हा बाेगदा 6 .43 किलाेमीटर लांबीचा असून या प्रकल्पासाठी अंदाजे 926 कोटी रुपये खर्च येणार असल्याचेही गडकरी यांनी नमूद केले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
