धबधब्याने खुलले मुक्तागिरीचे सौंदर्य !

अमरावती : अमरावती जिल्ह्यातील परतवाडापासून १० किमी अंतरावर महाराष्ट्र आणि मध्यप्रदेशच्या सीमेलगत मुक्तागिरी धबधबा आहे. सध्या परतवाडा परिसरात झालेल्या पावसाने हा धबधबा निसर्ग सौंदर्याने फुलला आहे. नाग नदीवरून वाहणारा हा धबधबा पर्यटकांच्या आकर्षणाचा केंद्रबिंदू ठरत आहे.

हे देखील पहा -

निसर्गाच्या सानिध्यात आणि धबधब्यातून पडणाऱ्या पांढऱ्याशुभ्र पाण्याचा आनंद घेण्यासाठी मुक्तागिरीत पर्यटक हळूहळू दाखल होत आहेत. येथील हिरव्यागार वनराईने व धबधब्याने पर्यटकांना भुरळ घातली आहे. तसेच या ठिकाणी जैन धर्मीयांचे श्रध्दास्थान असल्याने या भागात पर्यटक गर्दी करू लागले आहेत.

विदर्भाचे नंदनवन असलेल्या चिखलदरापासून काहीच अंतरावर असलेल्या सातपुडा पर्वत रांगेत अतिप्राचीन मंदिरालगत जवळपास २५० फूट उंचावरून मध्यप्रदेशातून वाहत येणारी नाग नदीची धार कोसळते. उंचावरून धबधब्याच्या रूपाने कोसळणारे पाणी त्याचप्रमाणे पाण्यातून उडणारे तुषार या सर्वाचा आनंद येथे पर्यटक घेत असतात. मात्र, सध्या कोरोना संसर्गाच्या पार्श्वभूमीवर पर्यटन बंदी असल्याने दरवर्षीप्रमाणे होणारी गर्दी येथे पाहायला मिळत नाही.

Edited By : Krushnarav Sathe