Bjp vs Shivsena: दिवाळीआधीच महायुतीत वादाचे फटाके, 'ठाण्यात भाजपचा महापौर होणार' भाजपचा स्वबळाचा नारा

ही घोषणाबाजी आहे.. ठाण्यातील भाजप कार्यकर्त्यांच्या शिबिरातली.. याचं घोषणाबाजीनं ठाण्याच्या राजकीय वर्तुळात एकच खळबळ माजलीय. महायुतीत सारं काही आलबेल असल्याचं सांगितलं जात असताना ठाण्यात भाजप आणि शिंदेसेनेच्या नेत्यांनी थेट स्वबळाचा नारा दिलाय.

ठाणे महापालिका निवडणुकीच्या पार्श्वभूमीवर भाजपनं 33 प्रभागातील इच्छुक उमेदवारांची आणि पदाधिकाऱ्यांची बैठक घेत.स्वबळाची चाचपणी केली.तर शिंदेसेनेनंही माजी नगरसेवक आणि विभागप्रमुखांची बैठक घेत आपली ताकद आजमावून बघितली..या स्वतंत्र बैठकांमुळे महायुतीतीत अंतर्गत वादाला तोंड फुटलयं.मात्र याप्रकरणी महसूलमंत्री चंद्रशेखर बावनकुळेंनी सावध प्रतिक्रिया दिलीय.

दरम्यान ठाणे महापालिकेत 2017 च्या निवडणुकीत पक्षीय बलाबल कसे होते आणि आता येत्या महापालिका निवडणुकीत कोणाचं पारडं जड असेल पाहूयात.

2017 च्या निवडणुकीत ठाणे महापालिकेत एकसंध शिवसेनेचे 67 नगरसेवक, तर भाजपचे 23 नगरसेवक निवडून आले होते.. त्याशिवाय त्यावेळी एकत्र असलेल्या राष्ट्रवादी काँग्रेसचे 35 तर काँग्रेसचे 3 आणि एमआयएमचे 2 नगरसेवक निवडून आले होते.

2017 च्या निवडणुकीवेळी शिवसेना आणि राष्ट्रवादी काँग्रेस एकसंध होती.त्यामुळे त्यावेळी दोन्ही पक्ष पहिल्या आणि दुसऱ्या स्थानावर होते. यावेळी शिवसेनेचे दोन गट आणि राष्ट्रवादीचे दोन गट निवडणुकीला समोरे जाणार असल्यानं भाजपला याचा फायदा होण्याची शक्यता आहे. मात्र जर मनसे आणि महाविकास आघाडी एकत्र आली तर भाजपपुढे आव्हान उभं राहणार हे निश्चित

खर तर ठाणे हा एकनाथ शिंदेंचा बालेकिल्ला मानला जातो.मात्र भाजपचे गणेश नाईक जनता दरबार घेऊन आपलं वर्चस्व वाढवण्याचा प्रयत्न करताना दिसतायेत.त्यातच ठाण्यात भाजप आणि शिंदेसेनेच्या नेत्यांकडून स्वबळाचा नारा दिला जात असल्यानं भाजप विरुद्ध शिंदेसेना असा संघर्षही पाहायला मिळणार आहे.. आता महायुतीतील या अंतर्गत वादाचा फायदा नेमका कुणाला होतो.. याकडे सर्वाचं लक्ष लागलयं.