Uddhav Thackeray vs CM Shinde: ठाकरेंनी केली शिंदेंची मिमिक्री; मुख्यमंत्री शिंदेंचाही उद्धव ठाकरेंवर पलटवार

भरत मोहळकर, साम प्रतिनिधी

उद्धव ठाकरेंनी मुख्यमंत्री एकनाथ शिंदेंची नक्कल करत थेट शिंदेंच्या बोलण्यावर टीका केली. त्यावर मुख्यमंत्री एकनाथ शिंदेंनीही ठाकरेंना मिमिक्री करण्याशिवाय काही काम राहिलं नसल्याची टीका केलीय.

विधानसभा निवडणूकीपुर्वी उद्धव ठाकरेंनी मोर्चेबांधणीला जोरदार सुरुवात केलीय. त्यातच ठाकरेंची भूमिका मुस्लिमधार्जिणी असल्याची टीका शिंदे गट आणि भाजपकडून करण्यात येतीय. त्यामुळे आपण हिंदूत्व सोडलं नसल्याचं बिंबवण्यासाठी ठाकरेंनी राज्यभर भगवा सप्ताह आयोजित केला होता. त्याचा समारोप मुख्यमंत्री एकनाथ शिंदेंच्या बालेकिल्ल्यात करण्यात आला. यावेळी उद्धव ठाकरेंनी मुख्यमंत्री एकनाथ शिंदेंची नक्कल करत जोरदार टोलेबाजी केली.

तर बाळासाहेब ठाकरे असते तर त्यांनी उद्धव ठाकरेंना जंगलात फोटो काढण्यासाठी पाठवलं असतं, असं म्हणत पलटवार केलाय. लोकसभा निवडणूकीत उद्धव ठाकरेंनी पक्षफोडीचा मुद्दा उपस्थित करत शिंदेंना लक्ष केलं. मात्र त्याचा थेट फायदा झाला नाही. त्यामुळे आता विधानसभेसाठी ठाकरेंनी उचललेला हिंदूत्वाचा मुद्दा आणि एकनाथ शिंदेंवरील टीका मतदारांना रुचणार की लोकसभेप्रमाणे विधानसभेलाही फटका बसणार? हे पाहणं महत्वाचं ठरणार आहे.