Sanjay Raut : संजय राऊतांची भावनिक पोस्ट; हॉस्पिटलमध्येही थांबली नाही लेखणी

संजय राऊत म्हणजे शिवसेना उद्धव बाळासाहेब ठाकरे पक्षाची बुलंद तोफ. शिवसेना फुटल्यानंतर पक्षावर आणि पक्षप्रमुखांवर विरोधकांनी केलेला प्रत्येक वार आपल्या रोखठोक, तर कधी मिश्किल शैलीत त्यांनी परतवून लावलाय. आता स्थानिक स्वराज्य संस्थांच्या निवडणुकांमध्ये ही तोफ गावागावात धडाडेल असं वाटलं असतानाच, लढवय्या संजय राऊतांना आजारानं गाठलं. त्यामुळं सध्या ते राजकारणापासून दूर आहेत. राजकीय तोफ थंडावलीये, पण हाडाचे पत्रकार असलेल्या राऊतांची लेखनरूपी तलवार तळपतीये.

आणि त्यामुळेच हॉस्पिटलमध्ये उपचार सुरू असतानाही त्यांनी आपली लेखणी थांबवलेली नाही. कारण त्यांच्यातला पत्रकार त्यांना स्वस्थ बसू देत नाहीये. म्हणून त्यांनी एक भावनिक पोस्ट टाकलीय. आपल्य़ा पोस्टमध्ये काय म्हटले आहेत ते पाहूयात. संजय राऊत बरे व्हावेत, अशी प्रार्थना कुटुंबीय, नातेवाईक, सहकारी आणि इतकंच काय तर राजकीय विरोधकही त्यांच्यासाठी प्रार्थना करताहेत. आजपर्यंत असंख्य संकटं आली. संजय राऊत लढवय्याप्रमाणे लढले. कधी अपयश आलं तरी खचले नाहीत. तर पुढे चालतच राहिले. असा हा नीडर माणूस या आजारालाही पळवून लावेल आणि पुन्हा त्यांची मुलुखमैदानी तोफ धडाडेल, याच त्यांना शुभेच्छा