मुंबईत ठाकरेंची रणनीती ठरली? ठाकरेंच्या एकीनं महापालिकेत बळ वाढलं

मुंबई महापालिकेच्या सत्तेसाठी ठाकरे बंधू तब्बल 20 वर्षांनी एकत्र आले... दोन्ही बंधूंनी युतीची अधिकृत घोषणाही केली...मात्र ठाकरेच्या जागावाटपाचा फॉर्म्युला अद्याप गुलदस्त्यात आहे... अशातच मुंबई महापालिकेतील 67 प्रभाग ठाकरेंच्या सत्तेचं गणित ठरवणार आहे... ते प्रभाग नेमकं कोणते आहेत... आणि ठाकरेंच्या युतीनं भाजपची डोकेदुखी कशी वाढलीय?

2024च्या विधानसभा निवडणुकीत मनसेने मुंबईत 25 उमेदवार उभे केले

25 पैकी 19 मतदारसंघांत मनसे-ठाकरेसेना आमनेसामने

वरळी, दिंडोशीमध्ये मतांची बेरीज निर्णायक

माहीममध्ये अमित ठाकरे, महेश सावंत आणि सदा सरवणकर यांची तिरंगी लढत

वॉर्ड 191 आणि 192मध्ये मनसे- ठाकरेसेनेची मते सरवणकरांपेक्षा दुप्पट

वरळीतील वॉर्ड 199-194मध्ये अमित ठाकरे-संदीप देशपांडे मतांची बेरीज निर्णायक

दिंडोशीतील 7 पैकी 6 प्रभागांत मनसेची मते विजयी मताधिक्यापेक्षा जास्त

वॉर्ड 37मध्ये सुनील प्रभू- भास्कर परबांच्या मतांची बेरीज निरुपमांपेक्षा अधिक

मनसे-ठाकरेसेना युतीमुळे मराठीबहुल पट्ट्यात ताकद वाढणार

मराठी बहुल मतदारसंघात ठाकरेसेना आणि मनसेची चांगलीच ताकद आहे.. अशातच दोन्ही पक्षांची युती झाल्यानं मराठी मताचं विभाजन टळणार आहे.. त्यातच दोन्ही पक्षांच्या मतांचं एकत्रीकरण महापालिकेत एकीचं बळ निर्माण करणार आहे... त्यात मराठी भाषेचा मुद्द्यावरून दोन्ही पक्षांनी आक्रमक भूमिका घेतल्यानं मुंबई महापालिकेत नेमका कोणाचा करिष्मा दिसून येतो हे पाहणं महत्त्वाचं ठरणार आहे...