गिरीश कांबळे, साम प्रतिनिधी
उद्धव ठाकरे यांच्यासोबत विश्वासघात झाला. महाराष्ट्राच्या जनतेसोबत विश्वासघात झालाय, असं म्हणत जगद्गुरु शंकराचार्य यांनी भाजप आणि मुख्यमंत्री एकनाथ शिंदे यांना खडेबोल सुनावलेत. शंकराचार्य स्वामी अविमुक्तेश्वर यांनी मातोश्रीवर उद्धव बाळासाहेब ठाकरे पक्षाचे पक्षप्रमुख उद्धव ठाकरे यांची भेट घेतली. यावेळी उद्धव ठाकरे आणि त्यांच्या कुटुंबियांनी शं‍कराचार्यांचे स्वागत केले.
स्वामींच्या पादुकांचे पूजनानंतर शं‍कराचार्यांनी पत्रकारांशी संवाद साधत भाजपाला चांगलेच सुनावले आहे. विशेष म्हणजे अयोध्या येथील राम मंदिर प्राणप्रतिष्ठापनेला स्वामी अविमुक्तेश्वरानंद शंकराचार्य यांनी विरोध केला होता. त्यांच्या या भूमिकेला पक्ष प्रमुख उद्धव ठाकरे यांनीही समर्थन दिले होतं. आता मातोश्रीवर उद्धव ठाकरेंची भेट घेतल्यानंतर त्यांनी भाजपवर घणाघात केलाय.
उद्धव ठाकरे यांच्यासोबत धोका करून त्यांना मुख्यमंत्री पदावरून खाली खेचलं. महाराष्ट्रातील जनतेला माहीत आहे. उद्धव ठाकरे यांच्यासोबत विश्वासात झालाय. जनता उद्धव ठाकरे यांच्यामागे आहे. आपण सगळे हिंदू आणि सनातन धर्माचा पालन करणारे लोक आहोत. पुण्य पापाची भावना आपल्याकडे सांगितली आहे.
सगळ्यात मोठा घात हा विश्वासघात असतो. उद्धव ठाकरे यांच्यासोबत विश्वासघात झालेला आहे. याबाबतची पीडा अनेकांना असल्याचं शंकराचार्य म्हणालेत. यावेळी बोलतांना त्यांनी भाजपला हिंदुत्वावादींवर सुनावलंय. कोणाचं हिंदुत्व खरं हे समजून घ्यावे लागेल. पण जो विश्वासघात करतो तो कधी हिंदुत्ववादी नसतो. जो विश्वासघात सहन करतो तो हिंदू असतो. जनतेचा सुद्धा अपमान करण्यात आलेला आहे, जनमताचा अनादर करणे हे चुकीच असल्याचं ते म्हणाले.
पंतप्रधान नरेंद्र मोदींनाही दिलेत आशीर्वाद
मोदी माझ्यासमोर आले त्यांनी मला प्रणाम केला आणि आमचा नियम आहे जो कोणी प्रणाम करायला येतो त्याला आम्ही आशीर्वाद देतो. नरेंद्र मोदी माझे शत्रू नाहीत त्यांच्या हिताबद्दलच मी बोलत असतो. त्यांच्या चांगल्यासाठीच आम्ही बोलत असतो. चूक झाली तर आम्ही त्यांना थेट चूक झाली म्हणून सांगतो, असंही स्वामी अविमुक्तेश्वरानंद शंकराचार्य म्हणालेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.