Swabhimani Shetkari Sanghatana : हरंगुळ रेल्वे स्थानकावर 'स्वाभिमानी'चे कार्यकर्ते पाेलिसांच्या ताब्यात, बुलढाण्यात रविकांत तुपकरांना अटक

- शुभम देशमुख / संजय जाधव

Latur News :

शेतक-यांच्या विविध मागण्यांच्या पुर्तता हाेत नसल्याने आज (शुक्रवार) स्वाभिमानी शेतकरी संघटनेसह (swabhimani shetkari sanghatana) शेतक-यांना लातूर येथील हरंगुळ रेल्वे स्थानकावर (harangul railway station) रेल राेकाे करण्याचा प्रयत्न केला. यावेळी आंदाेलकांना पाेलिसांनी ताब्यात घेतले. (Maharashtra News)

शेतकरी म्हणाले सोयाबीन, ऊस, कापूस उत्पादकांकडे सरकार जाणिवपूर्वक लक्ष देत नाहीये. शेतमजूर आणि निराधार यांच्या प्रश्नांवर देखील सरकार दुर्लक्ष करीत आहे. सरकारच्या कारभाराचा निषेध नाेंदवित शेतकरी संघटनेच्या कार्यकर्त्यांनी घाेषणाबाजी केली.

दरम्यान शेतक-यांच्या आंदाेलनाच्या पार्श्वभूमीवर रेल्वे स्थानकावर पोलिसांनी तगडा बंदोबस्त ठेवला हाेता. शेतकऱ्यांना तसेच शेतकरी संघटनेच्या कार्यकर्त्यांनी रेल राेकाे करु नये यासाठी पोलिसांनी त्यांना आवाहन केले. परंतु शेतक-यांनी आक्रमक पवित्रा घेतल्याचे पाहताच पाेलिसांनी शेतकरी आणि शेतकरी संघटनेच्या कार्यकर्त्यांना ताब्यात घेतले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

रविकांत तुपकरांना बुलढाणा न्यायालयात नेले

बुलढाणा जिल्ह्यात रेल राेकाे करण्याचा इशारा दिलेल्या शेतकरी नेते रविकांत तुपकर (ravikant tupkar) यांना रात्री पाेलिसांनी ताब्यात घेतले हाेते. आज (शुक्रवार) त्यांना बुलढाणा न्यायालयात पाेलिसांनी हजर केले आहे. यावेऴी न्यायालय आणि बुलढाणा शहर पोलीस स्टेशन समोर तुपकर समर्थकांची गर्दी झाली हाेती.

Edited By : Siddharth Latkar