- अमर घटारे
SWABHIMANI SHETKARI SANGHATANA News : स्वाभिमानी शेतकरी संघटनेचे नेते रविकांत तुपकर (Ravikant Tupkar Aandolan) यांना बुलढाणा (buldhana) येथे पिक विमा व शेतीच्या नुकसान भरपाईचे पैसे मिळण्यासाठी केलेल्या आंदोलनादरम्यान पाेलिसांनी (police) अटक (arrest) केल्याचा निषेध आज अमरावती (amravati) येथे स्वाभिमानीने नाेंदविला. चांदूर रेल्वे (chandur railway) येथे शेतक-यांसह (farmers) कार्यकर्ते यांनी चक्काजाम आंदाेलन छेडले.
चांदुर रेल्वे मध्ये शेतकरी संघटनेच्या कार्यकर्त्यांनी चक्काजाम आंदाेलन करून शासनाचा तीव्र शब्दात निषेध केला. मुख्यमंत्री एकनाथ शिंदे (eknath shinde) व उपमुख्यमंत्री देवेंद्र फडणवीस (devendra fadnavis) यांच्या विरोधात जोरदार घोषणा देत पिक विम्याची रक्कम व नुकसान भरपाई तात्काळ मिळावी अशी मागणी देखील आंदाेलकांनी केली.
हे आंदाेलन प्रवीण मोहोड (शेतकारी संघटना, जिल्हाध्यक्ष) यांच्या नेतृत्वाखाली करण्यात आले. यावेळी कपिल पडघम यांच्यासह शेकडाे कार्यकर्ते आंदाेलनात सहभागी झाले हाेते. यावेळी पाेलिसांनी आंदाेलकांना ताब्यात घेतले. या आंदाेलनामुळे वाहतुक खाेळंबली हाेती. दरम्यान आंदाेलकांनी शेतक-यांना न्याय द्यावा तसेच तुपकर यांच्यावरील अन्याय दूर न झाल्यास संपुर्ण महाराष्ट्र पेटून उठेल असा इशारा दिला. (Maharashtra News)
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
