नाशिकच्या मेडिकल कॉलेजमध्ये डॉक्टरचा संशयास्पद मृत्यू

नाशिक - मेडिकल कॉलेजमध्ये Medical College एका शिकाऊ डॉक्टरचा Doctor संशयास्पद मृत्यू झाल्याची घटना उडाली आहे. मृतकाचे नाव डॉ. स्वप्नील महारुद्र शिंदे Swapnil Shinde असे होते. मृत डॉ. स्वप्नील शिंदे गायनॅकॉलॉजिच्या दुसऱ्या वर्षात शिक्षण घेत होता. मेडिकल कॉलेजच्या वॉशरूममध्ये स्वप्नीलचा मृतदेह आढळला आहे. या प्रकरणी त्याच्या कुटुंबीयांनी गंभीर आरोप केले आहेत.

स्वप्नीलच्या कुटुंबीयांनी रॅगिंग प्रकरणातून घातपात झाल्याचा आरोप केला आहे. तसेच कॉलेजमधील दोन मुलींवर आरोप करत या मुलींवर कारवाई करण्याची मागणी देखील त्यांनी केली आहे. दोन मुलींसह कॉलेज प्रशासनावर देखील गंभीर गुन्हा दाखल करण्याची कुटुंबीयांची मागणी आहे.

हे देखील पहा -

दरम्यान, या आरोपांवर आता कॉलेज प्रशासनाकडून खंडन करण्यात आले आहे. कॉलेज प्रशासनाकडून अशी माहिती देण्यात आली की, मृत विध्यार्थ्याला वेळो वेळी सहकार्य करण्यात आले. कॉलेजच्या डीन यांनी बोलताना सांगितले की, मृत विद्यार्थी डॉकटरवर मानसोपचार सुरू असल्याची कॉलेज प्रशासनाकडून देण्यात आली आहे.

तसेच रॅगिंग प्रकरणी कोणतीही तक्रार नव्हती असेही त्यांनी स्पष्ट केले आहे. तसेच दोन महिन्यांपूर्वी स्वप्नीलने आत्महत्या करण्याचा सुद्धा प्रयत्न केल्याचे उघडकीस आले आहे. इतकेच नाहीतर आत्महत्येचा प्रयत्न करण्यापूर्वी त्याने एक सुसाईड नोट देखील लिहिली होती. या नोटमध्ये त्याने दोन मुलींची नावे लिहिली असल्याची समोर आली आहे.

Edited By - Shivani Tichkule