Supriya Sule: अतिवृष्टीचा फटका, MPSC परीक्षा पुढे ढकला, सुप्रिया सुळेंची मागणी

राज्यात सध्या मुसळधार पावसामुळे पुरपरिस्थिती झाली आहे.त्यामुळे अनेक ठिकाणी नागरिकांचे नुकसान झाले आहे. सोलापूर, धाराशिवमध्ये पुराच्या पाण्यात हजारो नागरिक अडकले आहेत.यामुळे मुलांना शाळेत देखील जाता येत नाहीये. मागील दोन आठवड्यांपासून बीड, धाराशीवमधील शाळा बंद आहेत. अशातच आता एमपीएससी परीक्षा पुढे ढकलण्याची मागणी करण्यात येत आहे. सुप्रिया सुळे यांनी आयोगाला विनंतीदेखील केली आहे

MPSC पूर्व परीक्षा पुढे ढकलावी, सुप्रिया सुळेंची मागणी (Supriya Sule Demand For MPSC Exam Postponed)

पुराचा अडथळा, पावसाचे सावट यामुळे एम पी एस सी ची परीक्षा पुढे ढकलण्याची विद्यार्थ्यांची मागणी आहे. येत्या २८ सप्टेंबर रोजी राज्य सेवेची पूर्व परीक्षा पुढे ढकलण्यात यावी. परीक्षा तोंडावर असतानाच राज्यातील अनेक जिल्ह्यात पूरस्थिती निर्माण झाली आहे.

परीक्षा पुढे ढकलण्याचा बाबत सुप्रिया सुळे यांची सुद्धा आयोगाला विनंती केली आहे.सद्यस्थितीत मराठवाड्यातील विद्यार्थ्यांना परीक्षा केंद्रांवर वेळेत पोहोचणे शक्य होईल अशी शक्यता नाही. त्यामुळे ही परीक्षा काही काळासाठी पुढे ढकलावी, सुप्रिया सुळे यांची सोशल मीडियावर पोस्ट केली आहे.

आयोगाने ३८५ जागांसाठी जाहिरात प्रसिद्ध केल्यानंतर याची परीक्षा २८ सप्टेंबर रोजी नियोजित केली आहे.पुरामुळे मराठवाड्यातील अनेक विद्यार्थ्यांचे अभ्यास साहित्याचे नुकसान झाल्याचे म्हणणे आहे.

विद्यार्थ्यांना परीक्षेची तयारी करणे अवघड झाल्याची प्रतिक्रिया त्यांनी दिली आहे.मराठवाड्यासह विदर्भातील विद्यार्थ्यांची परीक्षा पुढे ढकलण्याची मागणी केली आहे. त्यानंतर आता सुप्रिया सुळे यांनीदेखील आयोगाला विनंती केली आहे.