'कोल्हापूर महापालिकेतील टक्केवारी थांबवा, महापालिका वाचवा'; आम आदमी पक्षाकडून घोषणाबाजी!

कोल्हापूर : कोल्हापूर महानगरपालिकेच्या कामांमध्ये भ्रष्टाचार सुरू असल्याचा आरोप करत आज आम आदमी पार्टीच्या वतीने भ्रष्टाचाराची दहीहंडी फोडण्यात आली आहे. कोल्हापूर महानगरपालिकेच्या प्रवेशद्वारावर ही दहीहंडी फोडण्यात आली असूनु महापालिकेच्या कामामधील टक्केवारी थांबवा आणि महापालिका वाचवा अशा घोषणासुध्दा यावेळी आम आदमी पार्टीच्या कार्यकर्त्यांकडून देण्यात आल्या. 'Stop percentage in KMC, save KMC' Aaam Adami arty's sloganeering

हे देखील पहा-

कोल्हापूर महानगरपालिकेत अनेक वर्षांपासून ढपला संस्कृती सुरू आहे. ही संस्कृती बंद झाली पाहिजे अशी मागणी यावेळी केली. व्हाट्सअप ग्रुप वरील एका मेसेजचा दाखला देत 18 टक्के रकमेचा उल्लेख नेमका कोणासाठी झाला अशी विचारणा यावेळी आप कडून करण्यात आली.

जनतेचा पैसा लुबाडून कोल्हापूर शहराचे नाव बदनाम केले जात आहे. अशा प्रवृत्तीला वेळीच आळा घातला नाही तर एकही महत्वपुर्ण प्रकल्प कोल्हापूर शहरात होणार नाही. त्यामुळे संबंधितांवर कारवाई करावी अन्यथा मुख्यमंत्र्यांच्यापर्यंत हे प्रकरण घेऊन जाणार असल्याचही सांगतच गरज पडल्यास सीबीआयकडे देखील या संदर्भातली तक्रार केली जाईल असा इशारा आम आदमी पार्टीच्या वतीने देण्यात आला आहे.

Edited By - Jagdish Patil