एसटी महामंडळाने उचलला निलंबनाचा बडगा; जिल्ह्यातील 950 कर्मचाऱ्यांपैकी 124 कर्मचारी निलंबित

गजानन भोयर

वाशिम : वाशिम जिल्ह्यामध्ये मागील 22 दिवसापासून एस.टी.महामंडळ कर्मचाऱ्याचे विलीनीकरणच्या मागणीकरिता आंदोलन सुरू आहे. पगारवाढी नंतर परिवहन मंत्र्यांनी आंदोलनकर्त्या कर्मचाऱ्याना कामावर हजर राहण्याचे आव्हान करण्यात येत आहे. मात्र, वाशिम जिल्ह्यात या आव्हानाला न जुमानता आंदोलन कर्त्यांनी आंदोलन सुरूच ठेवल्याने वाशिम जिल्ह्यातील चारही आगारातील आगारामधून एक ही बस बाहेर पडली नाही.

हे देखील पहा-

यामुळे महामंडळाने आज तडका फडकी निर्णय घेत महामंडळाच्या 85 कर्मचाऱ्यांचे निलंबन करण्यात आले आहे. याआधी जिल्ह्यात 39 जणांचे निलंबन केले होते तर आज कारंजा 20, मंगरुळपिर 20, रिसोड 20 आणि वाशिम आगारातील 25 असे एकूण 85 जणांचे निलंबन करण्यात आले आहे.

आतापर्यंत जिल्ह्यातील एकूण 950 कर्मचाऱ्यांपैकी 124 कर्मच्यांऱ्याचे निलंबन करण्यात आले आहे. आज आमचे निलंबन झाले आहे. जिल्ह्यात सर्व कर्मचारी निलंबित झाले, तरी चालेल. मात्र, जोपर्यंत आमचे शासनात विलीनीकरण होत नाही. तोपर्यंत आम्ही संप सुरूच ठेवणार असल्याचे यावेळी कर्मचाऱ्यांनी यावेळी सांगितले आहे.

Edited By- Digambar Jadhav