मोठी बातमी! माजी क्रिकेटपटू गौतम गंभीरला पुन्हा धमकी; आठवडाभरात तिसरा मेल

वृत्तसंस्था : टीम इंडियाचा माजी क्रिकेटपटू आणि भाजपाचे खासदार गौतम गंभीर (Gautam Gambhir) याला तिसऱ्यांदा धमकीचा मेल आला आहे. ISIS काश्मीर या दहशतवादी संघटनेद्वारे शनिवारी रात्री गंभीरला हा मेल पाठविण्यात आला आहे. या ईमेलमध्ये दिल्ली पोलिसांचा देखील उल्लेख करण्यात आला आहे. isiskashmir@yahoo.com या ईमेल आयडीवरून हा मेल गंभीरला पाठविण्यात आला आहे.

हे देखील पहा-

यामध्ये दिल्ली पोलीस आणि IPS श्वेता आमचे काहीही करू शकणार नाहीत. पोलिसांमध्ये आमचे खबरी आहेत. या खबरींकडूनच तुझी सर्व माहिती मिळत आहे. असा दावा यावेळी करण्यात आला आहे. या अगोदर गौतम गंभीरने मंगळवारी रात्री दिल्ली पोलिसांना धमकीचा मेल आल्याची तक्रार दाखल करण्यात आली होती. दिल्ली पोलिसांकडून या प्रकरणाची चौकशी सुरू करण्यात आल्याची माहिती डीसीपी सेंट्रल श्वेता त्रिपाठी यांनी दिली आहे.

ISIS काश्मीर या दहशतवादी संघटनेनं ईमेल आणि फोनच्या माध्यमामधून जीवे मारण्याची धमकी दिल्याची तक्रार गंभीरने यावेळी केले आहे. २००७ साली झालेला T२० वर्ल्ड कप आणि २०११ साली झालेल्या वन- डे वर्ल्ड कपमधील विजयात गंभीरची यामध्ये मोठी भूमिका होती. या दोन्ही वर्ल्ड कपच्या फायनलमध्ये त्याने टीम इंडियाकडून सर्वात जास्त रन काढले होते. गंभीरने २०१९ साली झालेल्या लोकसभा निवडणुकी अगोदर भाजपामध्ये प्रवेश केला. सध्या तो पूर्व दिल्लीचा (East Delhi) भाजपचा खासदार आहे.

Edited By- Digambar Jadhav