Nashik News: मोदींच्या ताफ्यातील जवान अपघातानंतर बेपत्ता; कुटुंबासह शिर्डीहून परतत असताना अपघात

Dada Bhuse News: पालकमंत्री दादा भुसे घटनास्थळी गेले असता संतप्त गावकऱ्यांनी त्यांना घेराव घातला.
Ganesh Gite
Ganesh GiteSaam TV

Nashik News : केंद्रीय राखीव सुरक्षा बलातील जवानाचा अपघातानंतर बेपत्ता झाल्याची दुर्दैवी घटना समोर आली आहे. दुचाकीवरून तोल जाऊन गोदावरीच्या उजव्या कालव्यात पडल्यानंतर जवान वाहून गेल्याची माहिती आहे. गणेश गीते असं बेपत्ता जवानाचं नाव असून ते पंतप्रधानांच्या विशेष पथकात तैनात असल्याची माहिती आहे.

पालकमंत्री दादा भुसे घटनास्थळी गेले असता संतप्त गावकऱ्यांनी त्यांना घेराव घातला. कॅनॉलचं पाणी रात्रीचं का बंद केलं नाही? कॅनॉलचं पाणी रात्रीचं बंद केलं असतं, तर आतापर्यंत जवानाचा शोध लागला असता, असं म्हणत गावकऱ्यांनी संताप व्यक्त केला.

Ganesh Gite
Mumbai News : होळी खेळून आल्यानंतर पती-पत्नी आंघोळीसाठी बाथरूममध्ये गेले; दोघांचाही मृत्यू, धक्कादायक कारण आलं समोर

गणेश गिते हे पत्नी व मुलांसह शिर्डी येथून घरी परतत असताना चोंढी शिवारात गुरुवारी सायंकाळी ६ वाजेच्या सुमारास त्यांची दुचाकी गोदावरी उजव्या कालव्यात पडली. यावेळी जवानासह स्थानिक नागरिकांनी त्यांची पत्नी व मुलांना वाचवले. मात्र गणेश गिते हे पाटाच्या पाण्यात वाहून गेले. (Nashik News)

गणेश गिते हे २४ फेब्रुवारीपासून सुट्टीवर आले होते. गुरुवारी गणेश पत्नी रुपाली, मुलगी कस्तुरी आणि मुलगा अभिराज यांच्यासह शिर्डी येथे दर्शनासाठी बाईकने गेले होते.

Ganesh Gite
Crime News: सूनेच्या मासिक पाळीचं रक्त अघोरी विद्येसाठी मांत्रिकाला विकलं; सासू-दिराचं लाजिरवाणं कृत्य; बीडमधील घटना

शिर्डीहून परतत असताना नांदूरमध्यमेश्वर धरणातून गेलेल्या उजव्या कालव्याच्या बाजूने चोंढी शिवारात असलेल्या घराकडे जात असताना त्यांच्या गाडीला अपघात झाला. घरापासून ३०० मीटर अंतरावर मेंढी-ब्राह्मणवाडे रस्त्यावर तवंग परिसरात ही घटना घडली. गणेश यांची बाईक ताबा सुटल्याने उजव्या कालव्यात पडली.

आवाज झाल्याने आजूबाजूला असलेले काहीजण धावत घटनास्थळी पोहोचले. त्यानतंर त्यांनी गणेशची पत्नी, मुलगी आणि मुलगा यांना सुखरुप बाहेर काढलं. मात्र पाण्याच्या प्रवाहात गणेश वाहून गेले. या घटनेनंतर कुंटुबियांसह संपूर्ण गावावर शोककळा पसरली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com