Solapur Factory News: मोठी दुर्घटना! टेक्सटाईलच्या कारखाण्याला भीषण आग; ३ कामगारांचा मृत्यू

Solapur News: सोलापूरमधून एक मोठी दुर्घटना समोर आली आहे. सोलापुरातील एमआयडीसी परिसरात कारखान्यात स्फोट झालाय. या स्फोटामध्ये तीन कामगारांचा दुर्दैवी मृत्यू झाला आहे. अक्कलकोट रोड एमआयडीसी परिसरात टेक्सटाईलच्या कारखान्यात ही घटना घडली आहे. स्फोट नेमका कसा झाला याचं कारण अद्याप समजलेलं नाही. (Latest Terrible Explosion News)

अधिक माहिती अशी की, एमआयडीसी सीता रुपम कारखान्यात स्फोट झाल्याने भीषण आग लागली आहे. कंपनीतील कामगार बिहार येथील आहेत. अक्कलकोट रोड एमआयडीसी कारखान्यातील आग विझवण्यासाठी अग्निशामक दलाच्या गाड्या घटनास्थळी दाखल झाल्यात. पहाटेच्या सुमारास ही दुर्घटना घडली.