Solapur Police: सोलापूर पोलिसांची मोठी कारवाई, 37 तोळे सोन्यासह दोन चोरट्यांना अटक

सोलापूर : सोलापुरात पोलिसांनी मोठी कारवाई करत दोन अट्टल चोरट्यांना बेड्या ठोकल्या आहेत. या चोरट्यांकडून पोलिसांनी तब्बल 37 तोळे सोनं आणि 130 तोळे चांदी जप्त केली आहे. तर, इतर चोरट्यांचा शोध सुरु आहे (Solapur police arrest two thief with 37 tole Gold and 130 tole silver).

सोलापुरात चोरी करुन पुण्यात राहणाऱ्या सराईत गुन्हेगारांना सोलापूर (Solapur) गुन्हे शाखेच्या पोलिसांनी बेड्या ठोकल्या आहेत. अनंत चव्हाण आणि किसन काळे असे अटक करण्यात आलेल्या आरोपींची नावे आहेत.

त्यांच्याकडून एकुण 17 गुन्हे उघडकीस आले असून 37 तोळे सोने आणि 130 तोळे चांदी जप्त करण्यात आलेली आहे. सोलापूर शहर हद्दीत ऑक्टोबर ते डिसेंबर 2021 दरम्यान, विशिष्ट प्रकारे कडी-कोयंडा उचकटून घरफोडीचे गुन्हे घडत होते. यामुळे पोलीस आरोपीच्या मागावर होते. संबंधित गुन्ह्यातील उर्वरित दोन आरोपींचा शोध सोलापूर पोलीस घेत आहेत.

Edited By - Nupur Uppal