Nanded Accident: कार-ट्रॅक्टरचा भिषण अपघात; दोन पोलिस ठार, दोन पोलीस जखमी

नांदेड - कार आणि ट्रॅक्टरच्या धडकेत दोन पोलीस कर्मचारी ठार तर दोन पोलीस जखमी झाले आहेत. काल रात्री भोकर - नांदेड (Nanded) महामार्गावर खरबी येथे ही दुर्दैवी घटना घडली आहे. हा अपघात एवढा भिषण होता की कार मध्ये बसलेले दोन पोलीस कर्मचारी जागीच ठार झाले. दिपक देवानंद जाधव आणि ईश्वर सूदाम राठोड असं अपघातात मृत झालेल्यांची नावे आहेत तर प्रतिशे इटग्याळकर आणि सदानंद सपकाळ हे जखमी झाले असून यांना महामार्ग पोलिसांनी तातडीने जिल्हा शासकीय रुग्णालयात (Hospital) उपचारासाठी दाखल केले. (Nanded Accident News)

हे देखील पहा -

चार पोलीस (Police) कर्मचारी ही भोकर येथील पोलीस मित्राच्या घरी जेवण्यासाठी गेले होते. जेवन करुन रात्री नांदेडकडे परतत असताना खरबी जवळ कारने एका उस वाहतूक करणाऱ्या ट्रॅक्टरला धडक दिल्याने हा भिषण अपघात झाला. या प्रकरणी रात्री उशिरा ट्रॅक्टर चालका विरोधात बारड पोलीस ठाण्यात गुन्हा दाखल करण्यात आला.

Edited By - Shivani Tichkule