Anganwadi Sevika Strike : अंगणवाडी सेविका 'शाे काॅज' ला उत्तर देतील? तात्काळ कामावर हजर राहण्याचे आदेश

- अमर घटारे

Amravati News :

अमरावती जिल्ह्यातील अडीच हजार संपकरी अंगणवाडी सेविकांना (anganwadi sevika strike) महिला व बालकल्याण विभागाने "शो कॉज" नाेटीस बजावली आहे. या सेविकांना खुलासा सादर करण्याचे आदेश बजावण्यात आले आहेत. (Maharashtra News)

अंगणवाडी कर्मचाऱ्यांना सरकारी कर्मचाऱ्यांचा दर्जा द्यावा, सुधारित वेतनश्रेणी लागू करण्यात यावी आदी मागण्यांसाठी राज्यातील अंगणवाडी कर्मचारी बेमुदत संपावर गेले आहेत. शासनाने अद्याप अंगणवाडी सेविकांच्या मागण्यांबाबत काेणताच निर्णय जाहीर केलेला नाही.

यामुळे अंगणवाडी सेविका व मदतनीस हे राज्यातील विविध जिल्ह्यात माेर्चे, आंदाेलन करत आहेत. अमरावती येथे देखील नुकताच अंगणवाडी सेविकांनी माेर्चा काढला हाेता.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान संपावर गेलेल्या अंगणवाडी सेविकांनी तात्काळ खुलासा देऊन कामावर हजर राहावे अन्यथा कारवाई करु अशा प्रकारची नाेटीस महिला व बालकल्याण विभागाने सेविकांना बजावली आहे.

Edited By : Siddharth Latkar