RTO च्या 'या' सुविधेचा घरबसल्या मिळणार लाभ; १७ ते १८ लाख नागरिकांना होणार फायदा

मुंबई : परिवहन आयुक्तालयामार्फत फेसलेस सेवेचा शुभारंभ करण्यात आला आहे. एका राज्यातून दुसऱ्या राज्यात जाण्यासाठी लागणारी एनओसी, डुप्लिकेट लायसन्स, पत्ता बदल आणि आरसी मधील पत्ता बदल, परवान्यांचे नूतनीकरण (license) संदर्भातील कामासाठी नागरिकांना आरटीओ (RTO) मध्ये जावं लागणार नाही. या योजनेमुळे जवळपास १७ ते १८ लाख नागरिकांना घरबसल्या आरटीओच्या योजनेता लाभ मिळणार आहे. त्यामुळे नागरिकांना आरटीओत फेरफटका मारण्याची आवश्यकता लागणार नाहीय. परिवहन मंत्री अनिल परब (Anil Parab) यांच्या हस्ते या योजनेचा शुभारंभ करण्यात आला आहे.

या योजनेच्या शुभारंभ केल्यानंतर राज्याचे परिवहन मंत्री अनिल परब यांनी माध्यंमांशी संवाद साधला. यावेळी बोलताना ते म्हणाले, महाराष्ट्रातील अपघात रोखण्यासाठी आरटीओ विभाग काम करत आहे. तालुक्यात अपघात होणारे ब्लॅक स्पॉट किती आहेत, त्यात काय सुधारणा करण्यात आल्या, याचा अहवाल मागविण्यात आला आहे. लो स्पीड इलेक्ट्रिक गाड्या हाय स्पीडने पाळविल्या जात आहेत.हजार इलेक्टरीक गाड्यांवर कारवाई करण्यात आली आहे.

लो स्पीडचा फायदा घेत कोणी कायदा मोडत असेल, तर त्यांच्यावर कडक कारवाई केली जाईल. इलेक्ट्रिक वाहने लो स्पीड बनविण्याचे लायसन्स बनून हाय स्पीड केल्या जात आहेत. नियमांचे उल्लंघन होत असेल तर कारवाई केली जाईल. एसटीच्या 2000 गाड्या इलेक्ट्रिक आणि 1000 गाड्या सीएनजी ताफ्यात घेणार आहोत. तसेच रिक्षा-टॅक्सी भाडेवाढीबाबत सरकार विचाराधीन आहे, असंही परब यांनी माध्यमांशी बोलताना म्हटलं.

Edited By - Naresh Shende