- जितेश कोळी
Rajan Salvi : सध्याच्या साऱ्या घटनांमध्ये भाजपचा (BJP) हात आहे. त्यांचंही षडयंत्र आहे. त्यामुळे भविष्यात भाजप आणि त्यांचे नेते नष्ट होतील असे भाकीत शिवसेनेचे (Shivsena) उपनेते राजन साळवी (Rajan Salvi) यांनी केले आहे. महाराष्ट्रात (Maharashtra) सध्या पक्षाचं नाव आणि चिन्हावरुन सुरु असलेल्या घटना घडामाेडींवर साळवींनी त्यांचे मत माध्यमांशी बाेलताना व्यक्त केले. (Breaking Marathi News)
निवडणूक आयोगानं साेमवारी दाेन्ही गटास पक्षाचं काय नाव असावा याचा निर्णय दिला. तसेच शिवसेना उद्धव बाळासाहेब ठाकरे या गटास मशाल चिन्ह दिलं. त्यावर शिवसेना उपनेते राजन साळवी यांनी त्यांच्या भावना व्यक्त केला. यावेळी साळवींनी थेट भाजपला लक्ष केलं. (Shivsena Latest Marathi News)
साळवी म्हणाले मशालीचा अर्थ हा अंधारातून प्रकाशाकडे जाणे असा आहे. त्यामुळे शिवसेना जोरात घोडदौड करेल असा विश्वास आम्हां सर्वांना आहे. तसेच निशाणी आणि नाव न मिळाल्याने आमच्यावरती अन्याय झाला हे शिंदे गटाची ओरड हास्यास्पद असल्याचं देखील यावेळी साळवी यांनी म्हटलं आहे. (Rajan Salvi Latest Marathi News)
यापूर्वी त्यांनी अन्याय झाला म्हणून पक्ष सोडला. आता तेच अन्याय झाला म्हणून बोलत आहेत असा उपरोधिक टोला देखील यावेळी साळवी यांनी लगावला आहे. सध्याच्या साऱ्या घटनांमध्ये भाजपचा हात आहे. त्यांचंही षडयंत्र आहे. त्यामुळे भविष्यात भाजप आणि त्यांचे नेते नष्ट होतील असे भाकीत शिवसेनेचे उपनेते राजन साळवी यांनी केले आहे. (Maharashtra News)
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.