Eknath Shinde Speech : 'याच मैदानावर फुसका आपटी बार येऊन गेला', मुख्यमंत्र्यांचा उद्धव ठाकरेंवर शाब्दिक 'गोळीबार'

Political News : आदळआपटाला, टोमण्यांना मी उत्तर देणार नाही, असा टोलाही एकनाथ शिंदेंनी लगावला.
Eknath Shinde
Eknath ShindeSaam TV

Ratnagiri News : मुख्यमंत्री एकनाथ शिंदे यांनी खेडमधील गोळीबार मैदानातील जाहीर सभेतून उद्धव ठाकरेंवर जोरदार हल्लाबोल केला. आम्ही गर्दीशी तुलना करायला आलेलो नाही. आम्हाला कुणालाही उत्तर देण्याची गरज नाही. याच मैदानात फुसका आपटी बार येऊन गेला.

त्यांच्याकडे खोके, गद्दार एवढेच शब्द आहेत. आदळआपटाला, टोमण्यांना मी उत्तर देणार नाही. त्यांचे असले सर्कशीचे शो राज्यभर होणार आहेत, असा टोलाही एकनाथ शिंदे यांनी उद्धव ठाकरेंना लागवला. (Political News)

Eknath Shinde
Ramdas Kadam : सिंगापूर, श्रीलंका, अमेरिकेला कुणाचे हॉटेल आहेत? रामदास कदम यांनी भरसभेत सर्वच उघड केलं

सत्तेसाठी ज्यांनी हिंदु्व सोडलं, मला त्यांच्याबद्दल सांगण्याची गरज नाही. आपलाच पक्ष काँग्रेस, राष्ट्रवादीच्या दावणीला बांधला, तो आम्ही सोडवला. युतीत आम्ही लढलो. मात्र मुख्यमंत्र्याच्या खुर्चीसाठी बेईमनी केली. तो डाग आम्ही पुसण्याचं काम केलं. म्हणूनच निवडणूक आयगाने आपल्याला तो धनुष्यबाण दिला. बाळासाहेब ठाकरेंचा आशिर्वादही आपल्यासोबत आहेत, असं एकनाथ शिंदे यांनी म्हटलं.

गद्दारी आम्ही नाही केली, गद्दारी २०१९ साली झाली. उद्धव ठाकरेंनी तर बाळासाहेबांच्या विचारांना चुकीचं ठरवलं. बाळासाहेब तुमचे वडील होते पण ते आमचे दैवत आहेत. बाळासाहेबांचे तुम्ही संपत्तीचे वारसदार आहात. आम्ही विचारांचे वारसदार आहेत. भारताचे तुकडे तुकडे करायला निघालेल्या गँगसोबत तुम्ही आहात? असा सवालही एकनाथ शिंदेंनी उपस्थित केला.

कोकणी माणसांनी बाळासाहेबांवर खूप प्रेम केलं. बाळासाहेबांच्या जसा हा कोकणी माणूस पाठीशी होता, तसाच आजही शिवसेनेच्या, बाळासाहेबांच्या विचाराच्या पाठीशी आहे. कोकणचा माणूस हा शब्दाला जागणारा आहे, असंही एकनाथ शिंदे म्हणाले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com