Shivsena Twitter Handle : शिवसेनेचं ट्विटर हँडल हॅक?; वेबसाईट बंद पडण्याचं कारण काय?

Shivsena Twitter Handle : नाव आणि चिन्हानंतर आता शिवसेनेचं ट्विटर अकाऊंट गायब झालं आहे. शिवसेनेच्या ट्वीटर अकाऊंवरील ब्लू टीक गायब झाली आहे. तसेच अकाऊंटवर क्लिक केल्यावर रॉक अँड रोल असं लिहिलेलं दिसतं आहे. यामुळे पुन्हा एकदा खळबळजनक वातावरण निर्माण झालं आहे. (Latest Shivsena Twitter Handle News)

शुक्रवारी मुख्यमंत्री एकनाथ शिंदे यांच्या गटाला केंद्रीय निवडणूक आयोगाने नाव आणि चिन्ह दिलं. त्यानंतर शिंदे गटात मोठा जल्लोष पाहायला मिळाला. मात्र क्रेंद्रीय निवडणूक आयोगाचा हा निर्णय मान्य नसल्याने ठाकरे गटाने सुप्रीम कोर्टात धाव घेतली आहे. या घटनेला आत दोनचं दिवसं झाले असताना पुन्हा एकदा नवीन चर्चेला उधाण आलं आहे.

शिवसेनेचं ट्विटर अकाऊंट बंद झाल्यानं या चर्चा सुरू आहे. मिळालेल्या अधिक माहितीनुसार, शिवसेनेच्या महाराष्ट्र व मुंबई ट्विटर हँडल पेजवर असलेल्या shivsena.in या लिंकवर क्लिक केलं असता संपूर्ण साईट रिकामी दिसत आहे.

क्रेंद्रीय निवडणूक आयोगाने दिलेल्या निर्णयानंतर खारदार संजय राऊत यांनी सत्ताधाऱ्यांवर जहरी आगपाखड केली आहे. तसेच राऊतांनी त्यांच्यावर २००० कोटी रुपये देऊन निर्णय विकत घेतल्याचा गंभीर आरोप केला आहे.

राजकीय वर्तुळात सुरू असलेल्या या घडामोडींवरून शिवसेनेचं ट्विटर अकाऊंट नेमकं कोणी बंद केलं. हे अकाऊंट खरोखर हॅक झालं आहे का? तसं असेल तर ते कोणी केलं असावं. असे अनेक प्रश्न नागरिकांच्या मनात आहेत. तसेच शिंदे आणि ठाकरे या दोन्ही गटामधील वाद आता सोशल मीडियावर उफाळून येण्याची चिन्ह दिसत आहेत.