पितृपक्ष संपताच राजकीय भूंकप? ठाकरे गटाला मोठा हादरा? शिंदे गटाच्या नेत्याचा खळबळजनक दावा

अवघ्या काही महिन्यांत स्थानिक स्वराज्य संस्थांच्या निवडणुका पार पडतील. याच पार्श्वभूमीवर राजकीय घडामोडींना वेग आला आहे. महायुती तसेच महाआघाडीनं मोर्चेबांधणीला सुरूवात केली आहे. दरम्यान, गेल्या काही महिन्यांपासून ठाकरे बंधू यांच्यात युती होणार असल्याची चर्चा सुरू आहे. काही दिवसांपूर्वी राज ठाकरे यांच्या निवासस्थानी उद्धव ठाकरे आणि राज ठाकरे यांच्यात महत्त्वाची बैठक पार पडली होती. या बैठकीत युतीबाबत चर्चा झाली असल्याची माहिती आहे. दरम्यान, या पार्श्वभूमीवर प्रतिक्रिया देताना शिवसेना शिंदे गटाच्या नेत्या शितल म्हात्रे यांनी मोठं विधानं केलंय.

शितल म्हात्रे यांनी मोठा दावा केला आहे. 'आज दसरा मेळाव्याच्या पार्श्वभूमीवर आमची महत्वाची बैठक पार पडली. सध्या पितृपक्ष सुरू आहे. पितृपक्ष संपताच मोठा गौप्यस्फोट अन् धक्के दिले जाईल', असा दावा म्हात्रे यांनी केला आहे. शितल म्हात्रे यांनी केलेल्या दाव्यानंतर राजकीय वर्तुळात खळबळ उडाली आहे.

ठाकरे बंधूंच्या युतीबाबत शितल म्हात्रे म्हणाल्या, 'राज ठाकरे युतीबाबत एक शब्दही काढत नाहीयेत. उद्धव ठाकरे यांच्या पायाखालची जमीन सरकली आहे. दिघे साहेबांबाबत संजय राऊत हे जे काही बोलत आहेत, त्यांच्या बोलण्याकडे आम्ही फारसं त्याकडे गांभीर्यानं पाहत नाही', असं म्हात्रे म्हणाले.

ज्यांनी कफन आणि खिचडीतून पैसे खाल्ले आहेत. त्यांनी आम्हाला शिकवू नये, असा टोलाही म्हात्रे यांनी लगावला आहे.