Akkalkuwa Accident : देवीच्या दर्शनावरून परतणाऱ्या भाविकांच्या गाडीला अपघात; दोघांचा मृत्यू, १७ भाविक जखमी

शिरपूर (धुळे) : देवमोगरा येथे देवीचे दर्शन घेण्यासाठी भाविक गाडी करून गेले होते. दरम्यान दर्शन झाल्यानंतर परतत असताना या भाविकांच्या गाडीला (Accident) अपघात झाला. यात दोघांचा जागीच मृत्यू झाला आहे, तर अन्य १७ भाविक जखमी झाले आहेत. वाहनाचा अ‍ॅक्सल तुटल्याने हा अपघात (Akkalkuwa) अक्कलकुवा रस्त्यावर झाला. (Latest Marathi News)

धुळे (Dhule) जिल्ह्यातील बोराडीच्या रामनगर भागातील भाविक नंदुरबार (Nandurbar) जिल्ह्यातील देवमोगरा येथे देवीच्या दर्शनासाठी १५ मार्चला गेले होते. दर्शन घेऊन १६ मार्चला ते परत येण्यासाठी निघाले. गाडी अक्कलकुवा रस्त्यावर खापर ते उदापूर गावादरम्यान आली असताना भाविक जात असलेल्या गाडीचा अ‍ॅक्सल अचानक तुटला. त्यामुळे चालकाचे गाडीवरील नियंत्रण सुटून गाडी पुलाखाली कोसळली. या अपघातात चंद्रसिंह रामदास पावरा (वय ३९) व दारासिंह बुधा पावरा (५६) जागीच ठार झाले. तर १७ प्रवाशी जखमी आहेत. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अपघाताची माहिती मिळाताच बोराडी परिसरातील नागरिकांनी धाव घेत मदत केली. यानंतर अपघातातील जखमींना नंदुरबार व अक्कलकुवा येथील रुग्णालयात उपचारासाठी दाखल केले. जखमींवर सध्या उपचार सुरु असून जखमीमधील तिघांची प्रकृती चिंताजनक आहे.