एसटी कर्मचारी चिंतेत; उपाेषणकर्ते शशांक राव रुग्णालयात दाखल

पंढरपूर shashank rao latest news : एसटी कर्मचाऱ्यांचे राज्य सरकारमध्ये विलीनीकरण करावे या मागणीसाठी उपाेषणास बसलेल्या एसटी कामगार युनियनचे सरचिटणीस शशांक राव यांची प्रकृती खालवली. यामुळे पाेलिसांनी राव यांना पंढरपुरातील उपजिल्हा रुग्णालयात उपचारासाठी दाखल केले आहे.

गेल्या महिन्याभरापासून राज्यभरातील एसटी कामगार आपल्या विविध मागण्यांसाठी संपावर आहेत. या संपाला एसटी कामगार युनियनचे राज्य सरचिटणीस शशांक राव यांनी पाठिंबा दिला आहे. गेल्या तीन दिवसांपासून शशांक राव यांचे विविध भागात उपोषण सुरू आहे. आज ते पंढरपुरात आले. येथे त्यांनी परिवहन मंत्री अनिल परब आणि राज्य सरकार खाेट्या बातम्या पसरवून कर्मचा-यांच्या संपात फूट पाडत असल्याचे नमूद केले.

आज सायंकाळच्या सुमारास उपाेषणकर्त्या राव यांची प्रकृती ढासळली. पाेलिसांनी तातडीने त्यांना वाहनात घालून उपजिल्हा रुग्णालयात दाखल केले. दरम्यान सरकाराने एसटी कर्मचारी संपावर ताेडगा काढे पर्यंत आम्ही लढा सुरु ठेवणार असल्याचे राव यांनी यावेळी नमूद केले.

edited by : siddharth latkar