Shahapur News : नदीत बुडणाऱ्या मुलाला वाचवायला आईनं मारली उडी, नंतर भाचीही पाण्यात उतरली; तिघांचाही करूण अंत

Shahapur Tragedy News : भातसा नदीत तीन जणांचा बुडून मृत्यू झाला आहे. मायलेकासह भाचीचा करूण अंत झाला आहे. जीवरक्षक पथकाच्या सदस्यांनी तिन्ही मृतदेह बाहेर काढले.
भातसा नदीत बुडून मायलेकासह भाचीचा मृत्यू, शहापूरमधील घटनेनं हळहळ
Shahapur Batsa river Tragedysaam tv
Published On

फय्याज शेख, शहापूर

भातसा नदीत अंघोळीसाठी उतरलेला मुलगा बुडत असल्याचं पाहून त्याच्या आईनंही उडी मारली. ती देखील बुडू लागल्यानं काठावर असलेल्या भाचीनंही पाण्यात उडी मारली. मात्र, बाहेर पडला न आल्यानं तिघांचाही बुडून मृत्यू झाला. शहापूर तालुक्यातील गोठेघर वाफे येथे ही दुर्दैवी घटना घडली. जीवरक्षक पथकाच्या मदतीनं मायलेकासह भाचीचा मृतदेह नदीपात्राबाहेर काढण्यात आला. या घटनेमुळं परिसरात हळहळ व्यक्त होत आहे.

कपडे धुवायला नदीवर गेले अन् विपरीत घडलं

शहापूर तालुक्यातील गोठेघर वाफे येथील भातसा नदीवर वनिता सुदर्शन शेळके (वय,३३, राहणार- वाफे), लक्ष्मी दत्तात्रय पाटील (वय ५०, रा. चेरपोली) या दोन महिला कपडे धुण्यासाठी गेल्या होत्या. त्यांच्यासोबत धीरज दत्तात्रय पाटील (वय, १५, राहणार चेरपोली) हा देखील गेला होता.

उन्हाचा तडाखा असल्याने धीरज अंघोळ करण्यासाठी पाण्यात उतरला. त्याला खोलीचा अंदाज आला नाही. तो बुडू लागला. ते बघून आईने त्याला वाचवण्यासाठी नदीपात्रात उडी मारली. पण ती सुद्धा बुडू लागली. दोघेही बुडत असल्याचे भाचीने बघितले. तिनेही पाण्यात उडी घेतली. मात्र, तिघांचाही नदीत बुडून मृत्यू झाला.

भातसा नदीत बुडून मायलेकासह भाचीचा मृत्यू, शहापूरमधील घटनेनं हळहळ
Nashik : शेततळ्यात अंघोळीसाठी गेले; दोन शाळकरी मुलांचा बुडून मृत्यू, येवला तालुक्यातील घटना

परिसरात हळहळ

आईसह मुलगा आणि भाचीचाही नदीत बुडून मृत्यू झाल्यानं कुटुंब, नातेवाईक आणि गावावर शोककळा पसरली. भातसा नदीत तिघे बुडाल्याची माहिती पोलीस आणि जीवरक्षक पथकाच्या सदस्यांना मिळताच त्यांनी तात्काळ घटनास्थळी धाव घेतली. त्यांनी नदीपात्रात शोध घेतला. काही वेळाने तिघांचे मृतदेह बाहेर काढले. मायलेकासह भाचीचा मृतदेह बघून गावातील प्रत्येकाचं मन हेलावून गेलं. या तिन्ही मृतदेह शवविच्छेदनासाठी शहापूर येथील उप जिल्हा रूग्णालयात पाठवण्यात आले आहे.

भातसा नदीत बुडून मायलेकासह भाचीचा मृत्यू, शहापूरमधील घटनेनं हळहळ
Crime News: त्र्यंबकेश्वरला फिरायला घेऊन गेला, वाटेतच तरुणाने गर्लफ्रेंडचा गळा आवळला, मृतदेह गोणीत भरून नदीत फेकला

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com