Samruddhi Mahamarg : समृद्धी महामार्गावर स्थानिक नागरिकांनी काम पाडले बंद; महामार्गाच्या कामामुळे गावे अंधारात

फैय्याज शेख 
शहापूर : मुंबई- नागपूर समृद्धी महामार्ग पुर्णपणे सुरू होण्यासाठी काही महीने बाकी असताना समृद्धी महामार्गाचे काम युद्ध पातळीवर सुरू आहे. मात्र हा समृद्धी महामार्ग सुरू होण्यापूर्वी आंदोलनाच्या विळख्यात सापडला आहे. या महामार्गावर स्थानिक नागरिकांनी आंदोलन करत महामार्गाचे काम बंद पाडले आहे. 

मुंबई- नागपूर या समृद्धी महामार्गावरील (Samruddhi Mahamarg) ठेकेदार काम करताना कोणती ही काळजी घेत नाही. यामुळे समृद्धी महामार्गा लगत असलेल्या गावांची लाईटचे पोल तोडले गेले. चार दिवस उलटून सुध्दा लाईटच्या पोलचे काम होत नाही. म्हणून शहापूर तालुक्यातील दलखण, काष्टी या गावांमध्ये अंधार पडला आहे. तर वीज पुरवठा खंडित झाल्याने चार दिवसांपासून पाणी पुरवठा होत नाही. म्हणून आज या गावातील ग्रामस्थांनी समृद्धी महामार्ग आंदोलन सुरू केले असून महामार्गावर चाललेले काम बंद पाडले आहे. 

महामार्गालगत असलेल्या तीन- चार गावांमध्ये समस्या निर्माण झाली आहे. यामुळे स्थानिक नागरिकांनी आज सकाळी येथे आंदोलनाला सुरवात केली. तसेच जोपर्यंत लाईट व पाणी पुरवठा सुरळीत होत नाही; तोपर्यंत आंदोलन सुरूच राहणार अशी भूमिका ग्रामस्थांनी घेतली आहे.