Nagpur Breaking : नागपूरच्या लकडगंज परिसरातील Sex Racket चा पर्दाफाश!

मंगेश मोहिते

नागपूर : नागपूर मधील लकडगंज परिसरातील चालत असलेल्या देहव्यापराचा (Sex Racket) चा नागपूर गुन्हे शाखेने पर्दाफाश केला आहे. स्माईल युनिक सलून मध्ये आरोपी महिला स्वतःच्या फायद्यासाठी पीडित मुलींना पैशाचे आमिष दाखवून देहव्यापर करत असल्याची माहिती समोर आली आहे. या महिलेला अटक करण्यात आली असून एका युवतीची सुटका करण्यात आली आहे.

हे देखील पहा :

नागपूर (Nagpur) मधील लकडगंज परिसरात असलेल्या स्माईल युनिक सलून मध्ये चालत असलेल्या देहव्यापर पर्दाफाश करत नागपूर पोलिसाच्या (Police) गुन्हे शाखेने आरोपी महिला सपना मेश्राम ला अटक करत एका पीडित मुलीची सुटका केलेली आहे. नागपूरच्या लकडगंज भागामध्ये असलेल्या स्माईल युनिक सलून मध्ये देह व्यापार होत असल्याची गुप्त माहिती पोलिसांना मिळाली. त्या माहितीच्या आधारावर पोलिसांनी एक नकली ग्राहक या सलून मध्ये पाठवून तिथे देह व्यापार होतो की नाही याची शहानिशा केली आणि त्यानंतर या सलून मध्ये धाड टाकून पीडित मुलीची सुटका केली आहे.

आरोपी महिला सपना ही स्वतःच्या फायद्यासाठी पीडित मुलींना पैशाचे आमिष दाखवून त्यांना व्यापारास प्रवृत्त करून स्माईल युनिक सलून मध्ये देह व्यापाराचा व्यवसाय चालवत होती. आरोपी महिलेविरुद्ध अनैतिक व्यापार प्रतिबंधक अधिनियम अन्वये गुन्हा दाखल करून पुढील तपास पोलिस करीत आहे. नागपुरात अश्या छोट्या छोट्या ठिकाणी देह व्यापाराचा धंदा जोरात सुरू असल्याचे होत असलेल्या कारवाई वरून दिसून येते त्यामुळे खऱ्या अर्थाने याची पाळं मुळं शोधण्याची आवश्यकता आहे.

Edited By : Krushnarav Sathe

हेही वाचा :