अकोल्यात निवडणुकीसाठी आलेली सात लाखांची दारू जप्त; चौघांना अटक

अकोला - जिल्हा परिषद आणि पंचायत समित्यांची पोटनिवडणूक By Election उद्या होणार आहे. त्यामुळे मतदारांना आकर्षित करण्यासाठी उमेदवार अनेक फंडे वापरतात. निवडणुकीच्या वाटपासाठी आलेली तब्बल 7 लाखांची दारू पोलिसांनी जप्त केली आहे. अकोला Akola जिल्ह्यात पोलिसांनी Police दोन वेगवेगळ्या ठिकाणी कारवाई करून चौघांना दारुसह अटक केली आहे. बार्शीटाकळी येथे नाकाबंदी दरम्यान एका चार चाकी वाहनातून दारूची Liquid तस्करी करण्यात येत होती.

हे देखील पहा -

याप्रकरणी पोलिसांनी दारुसह तब्बल 6 लाख 70 हजारांच्या मुद्देमालासह आकाश राठोड आणि प्रदीप राठोड या दोघांना अटक केली आहे. तर दुसरी कारवाई माझोड येथे दुचाकीवर देशी दारू नेताना दोघांना ताब्यात घेतले आहे. या प्रकरणी नंदू बर्गे आणि शेख जमील या दोघांना अटक केली आहे. ही कारवाई अनुक्रमे स्थानिक गुन्हे शाखा आणि विशेष पथकाकडून कारवाई करण्यात आली आहे. उद्या निवडणूक असल्याने परिसरात पोलिसांचा मोठा बंदोबस्त लावण्यात आला आहे.

Edited By - Shivani Tichkule