Pandharpur News: विठ्ठल मंदिरातील सुरक्षा रक्षकाची मुजोरी; विठोबाच्या पायावरचं आपटलं भाविक महिलेचे तोंड

Pandharpur Vitthal Rukmini Temple :

पंढरपूर येथील विठ्ठल रूक्मिणी मंदिरातील सुरक्षा रक्षकाची मुजोरी पुन्हा एकदा समोर आलीय. विठोबाचे दर्शन घेत असताना भाविक महिलेचं तोंड विठ्ठलाच्या पायावरच आपटलं. यामुळे भाविक महिलेचं ओठ फुटलं असून त्या रक्तबंबाळ झाल्या आहेत. (Latest News

महाराष्ट्राचे दैवत असलेल्या विठुरायाच्या दर्शनाला राज्यभरातील भाविक पंढरपूरला येत असतात. आपल्या लाडक्या विठोबाच्या दर्शनासाठी तासन् तास रांगेत उभे राहतात. जेणेकरून देवचं मनसोक्त दर्शन करता येईल. परंतु मंदिरातील सुरक्षा रक्षक मात्र भाविकांना देवाच्या दरबारी क्षणभर देखील उभे राहू देत नाहीत.

(सामच्या बातम्या Whatsapp वर मिळवण्यासाठी आत्ताच या लिंकवर क्लिक करा)

दर्शनाला आलेल्या भाविकांना पुढे-पुढे ढकलंत असतात. यामुळे बहुतेकवेळा भाविक आणि सुरक्षा रक्षकांमध्ये वाद होत असतात. अनेकदा भाविकांना ढकलत वृद्ध आणि महिला भाविकांचा तोल जाणून त्या खाली पडून त्यांना दुखापत होत असते. मात्र सुरक्षा रक्षकांना त्याची फिकरी पडलेली नसते.

असाच अनुभव बीडमधील विठ्ठल भक्त महानंदा गयबी आणि त्यांचे पती दिलीप गयबी आला. हे दाम्पत्य विठोबाच्या दर्शनासाठी बीडमधील किल्ले धारूर येथून पंढपूर येथे आले. दुपारी एक वाजता दर्शन रांगेत उभे राहिले होते. तब्बल सहा तासानंतर गयबी दाम्पत्याला विठुरायाचं दर्शन घेण्याची संधी मिळाली. विठोबाचे चरण स्पर्श करत होते. त्यावेळी सुरक्षा रक्षकाने महानंद यांचे डोकं विठुरायाच्या चरणावर आपटलं.

यामुळे महानंद यांचे ओठ पायावर आपटल्या गेले यात त्या जखमी झाल्या आहेत. महानंद याचे ओठ फुटले असून त्या रक्तबंबाळ झाल्या आहेत. भाविकांसोबत अशा धसमुळेपणाने वागणाऱ्या महिला सुरक्षा रक्षकावर कारवाई करण्यात यावी, अशी मागणी गयबी दाम्पत्याने केली आहे.

काही दिवसांपूर्वी ही सुरक्षा रक्षकांकडून भाविकांना मारहाण करण्यात आल्याची घटना घडली होती. महिला भाविकांना देखील धक्काबुक्की करण्यात आली होती. नाशिक जिल्ह्यातील विठ्ठल भाविकांना सुरक्षा रक्षकांनी मारहाण केली होती.