Satara: ऑफलाईन नकाे ऑनलाईन परीक्षा घ्या; 'वाय सी' च्या विद्यार्थ्यांची मागणी

सातारा : साताऱ्यातील यशवंतराव चव्हाण सायन्स महाविद्यालयातील विद्यार्थी आज दुपारच्या सुमारास महाविद्यालय परिसरात एकत्र आले. यावेळी सर्वांनी अचानक महाविद्यालयाच्या परिसरात ठिय्या आंदोलन सुरू केले. आमच्या महाविद्यालयाने (college) ऑफलाईन परीक्षेचा (offline exam) निर्णय मागे घ्यावा यासाठी हे आंदोलन असल्याचे काहींनी सांगितलं.

या आधी ऑनलाईन पद्धतीने परीक्षा (exam) घेतली जाणार असल्याचे आम्हांला सांगितलं हाेते. तशा पद्धतीची नोटीस देखील लावण्यात आली हाेता. मात्र हा निर्णय अचानक बदलण्यात आला. दरम्यान ऑफलाईन परीक्षेचा निर्णय घेतल्याने विद्यार्थी (students) आज आक्रमक झाले हाेते.

सातारा (satara) जिल्ह्यात काेराेनाचा वाढता प्रादुर्भाव आणि बंद असलेली बस सेवा यामुळे यामुळे परीक्षा ऑनलाईन पद्धतीने घेण्याची मागणी विद्यार्थी वर्गाने केली आहे. एसटी प्रवासात पैसे वाचतात परंतु आत्ता खासगी प्रवासी वाहनातून यावे लागते. त्याचा खर्च परवडत नसल्याचे विद्यार्थ्यांनी नमूद केले.

edited by : siddharth latkar